Volver ao inicio
Inicio Calendario Buscar Contacto

Novas
Imprimir
LEI DE CAZA
FGC: “Non nos gusta o actual anteproxecto”
11/2/2013

Tras facerse público que o Consello da Xunta, aprobaba, na reunión do pasado xoves (7 de febreiro) o anteproxecto da Lei de Caza de Galicia, a FGC convocaba con carácter de urxencia á Comisión de Caza da Federación, que se reunía ao día seguinte en Santiago de Compostela.

Durante 11 intensas horas os membros da Comisión fixeron un profundo análise e debateron o texto aprobado polo Consello da Xunta, que introduce cambios substanciais respecto do primeiro borrador. A este respecto a FGC manifestaba a súa desconformidade, en especial coa redacción dos artigos referentes ás zonas de seguridade e á responsabilidade polos danos que causen as especies cinexéticas. Precisamente estes artigos foron os máis controvertidos e debatidos durante as reunións previas mantidas coa Dirección Xeral de Conservación, mesmo chegándose a pactar unha redacción alternativa que finalmente non se viu reflectida no novo texto.

No referente á responsabilidade polos danos causados polas especies cinexéticas, a FGC propón que se invirta o cargo da proba, é dicir que a proba por falta de dilixencia na conservación do acoutado, ou na acción de cazar, corresponda ao reclamante, e que a proba da procedencia corresponda a quen reclame.

O anteproxecto tamén significa un paso atrás respecto da idade de incorporación dos cazadores noveis, non é de recibo que no resto de España se poidan incorporar aos 14 años e en Galicia teñan que agardar aos 16, e,  resulta cando menos chocante, que un menor de 14 anos poida utilizar unha arma pero non poida cazar.

A Federación tamén bota en falta, na exposición de motivos, unha mención especial ás sociedades de caza como organizacións exemplares na adaptación á Lei anterior (Lei 4/97).

Os representantes federativos, que teñen previsto reunirse durante os próximos días co Director Xeral e co Conselleiro, trasladaran novamente aos responsables da Xunta un informe que recolle unhas 50 achegas ao novo texto do anteproxecto; no caso de non chegarse a  consenso a Federación non descarta convocar aos cazadores galegos para informarlle polo miúdo da situación da nova lei, así como traslada-lo informe ao resto dos grupos  parlamentarios.
 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

TAMÉN PARA COVID-19
17/02/2021
Publicadas as axudas para o desenvolvemento de actividades deportivas

ABERTO PRAZO DE SOLICITUDES
02/02/2021
Axudas para fomento da riqueza e xestión dos recursos cinexéticos

LOBO / OSO / XABARIL
12/01/2021
Publicada a orde de axudas para a prevención dos danos que causan determinadas especies de fauna silvestre

DEPORTE FEDERADO
20/11/2020
Cambio de interpretación da Secretaría Xeral para o Deporte


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza