Inicio Calendario Buscar Contacto

Novas
Imprimir
XUNTANZA
O Delegado do Goberno en Galicia recibe á Federación Galega de Caza
7/4/2014

O pasado venres, 4 de abril, unha comisión da FGC formada polo Presidente, Javier Nogueira,  e polos Presidentes Provinciais Manuel Saa, Francisco López, Antonio García e Francisco Couselo, era recibida polo Delegado do Goberno en Galicia, Samuel Juárez.

Durante a xuntanza, os responsables federativos, plantexáronlle ao delegado do Goberno diversas cuestións relacionadas co Regulamento de Armas, entre os que cabe sinalar o uso de auriculares (pinganillo) conectados a emisoras de radiofrecuencia cando se están practicando determinadas modalidades de caza maior, así como outros temas de interese para os cazadores como as medidas precautorias na custodia das armas,  a modificación que se pretende introducir á Lei do Deporte estatal, e diversas cuestións relacionadas coa incidencia dos antecedentes na renovación dos permisos de armas.

En canto ao tema dos auriculares (pinganillo) conectados a emisoras de radiofrecuencia autorizadas para a caza, cuxo uso sempre defendeu a Federación Galega de Caza -de feito existen informes federativos que avalan a súa utilización como medida de seguridade que axuda a reducir notablemente o risco de accidentes-, o Delegado do Goberno considera que existe unha oportunidade no desenvolvemento de Lei Galega de Caza, por tratarse dunha fonte de dereito máis específica, no marco dunha competencia transferida á Comunidade Autónoma. Precisamente neste senso, a FGC ten comprobado que a nova Lei de Caza de Galicia, a diferenza da anterior, establece no seu articulado un capítulo relacionado coas armas, municións e outros dispositivos auxiliares, non contemplándose a prohibición do uso de cascos ou auriculares conectados a emisoras de caza, non obstante a FGC tratará de que se recolla máis especificamente no desenvolvemento regulamentario.

Samuel Juárez, gran coñecedor das casuísticas cinexéticas, amosouse receptivo a tódolos plantexamentos realizados polos representantes dos cazadores.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

FECAP
10/06/2019
Intensa participación da FGC na VI edición da FECAP

OS VEDADOS DO XABARIL
06/06/2019
A supresión de 300.000 hectáreas de vedados dos Tecores para a caza do xabaril

#AcazaTaménVota
26/04/2019
Primeiras valoracións da campaña “E de caza que?” da FGC ante os comicios nacionais

INFO FGC
24/04/2019
A FGC presenta as achegas ao Decreto da Carne de Caza


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza