Ramón Picallo en Seniors, Eloy Rodríguez en Springers e Sita González en Damas foron os campións provinciais
Campionato Provincial de A Coruña de Caza San Huberto
O pasado 13 de xullo disputouse no Tecor da Sociedade de Caza de Barbanza o Campionato Provincial de A Coruña de Caza San Huberto, organizado pola Federación Galega de Caza en A Coruña e contando coa colaboración de dita Sociedade de Cazadores.
Neste provincial participaron un total de 19 cazadores que disputaron este provincial nas diferentes categorías. Unha vez rematado o tempo de competición, o director da proba, Marcial Ramil Hermida deu a clasificación final resultando do seguinte xeito.
En Seniors o Campión Provincial era Ramón Picallo con 59 puntos. Fernando Manso e Jorge Martín completaban o podio en segunda e terceira posición con 50 e 49 puntos respectivamente.
Eloy Rodríguez Martínez era o campión absoluto na categoría de Springers cun total de 74 puntos namentres que a cazadora Sita González Carrodeguas era a gañadora en Damas con 59 puntos.
