Inicio Calendario Buscar Contacto

Novas
Imprimir
TEMPADA CINEXÉTICA 2015/2016
Conclúe o Comité Galego de Caza 2015
19/3/2015

Na mañá de onte, mércores día 18 de marzo, tivo lugar a xuntanza do Comité Galego de Caza, cuxos acordos servirán de base para confeccionar a “Resolución de Vedas” que regula os períodos hábiles de caza das distintas especies cinexéticas para a vindeira tempada de caza 2015/2016.

Dito Comité estivo composto polos diferentes representantes dos cazadores galegos, entre os que se atopaban os catro presidentes provinciais da Federación Galega de Caza, o Secretario Xeral da FGC, o Secretario Xeral da FGC de Pontevedra, e todos eles encabezados polo presidente da FGC, Javier Nogueira Diz. Tamén estiveron representadas as asociacións de caza, entre as que se atopaba a Asociación Lucense de Caza, e representantes da administración autonómica. O Comité, presidido pola directora xeral de Conservación da Natureza, Verónica Tellado, foi inaugurado pola conselleira de Medio Ambiente Ethel Vázquez, que destacou a gran importancia deste órgano consultivo en materia de caza para Galicia.

No transcurso da reunión, analizáronse as propostas dos catro comités provinciais de caza , de cara a establecer a normativa que regule os períodos hábiles e as especies que serán obxecto de caza na vindeira tempada. A FGC participou activamente na xuntanza, achegando as inquedanzas dos cazadores galegos recadadas nos diferentes comités así como as suxestións recibidas a través da páxina web da FGC por parte de centos de cazadores galegos.

Como posibles datas e períodos hábiles de caza, destacar o comezo, o 5 de setembro, dos ganchos ao xabaril e ao corzo, mentres que a tempada de caza xeral terá a súa apertura o 18 de outubro para rematar, como en anos anteriores, o 6 de xaneiro. A data dos derradeiros ganchos ao xabaril terá lugar o 17 de xaneiro do 2016 e os de raposo, así como a ampliación da caza de arcea, rematarán o 14 de febreiro do 2016.

Queda todo emprazado para que sexa a Consellería do Medio Ambiente e Infraestruturas a que fixe, coa publicación da Resolución de Vedas, as regras que rexerán a práctica cinexética na nosa comunidade na vindeira tempada.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

NOTA DO MINISTERIO
12/04/2019
Actualización sobre a situación do brote de mixomatose en lebres

TEMPADA DE CAZA 2019/2020
15/03/2019
Xuntanza do Comité Galego de Caza

ACCESO LIBRE E GRATUÍTO
27/11/2018
Xornada formativa sobre xestión do monte, sostibilidade e actividade cinexética en As Pontes

BAIXAN RESPECTO A 2016
25/06/2018
Un estudo da Fundación Affinity desminte que os cans de caza sexan os máis abandonados


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza