Volver ao inicio
Inicio Calendario Buscar Contacto

Novas
Imprimir
XUNTANZAS
Todo listo para a Asemblea Xeral deste sábado
7/4/2015

Na xornada de onte reuníanse na sede de Santiago a Xunta Directiva e a Comisión Delegada da Federación Galega de Caza, por mor de preparar a vindeira Asemblea Xeral, que terá lugar este sábado 11 de abril.

Ás 16.30h comezaba a xornada coa xuntanza do equipo directivo da FGC, que tiña por diante a decisión de aprobar os diversos puntos que se someterán o vindeiro sábado ao máximo órgano de representación da Federación: a Asemblea Xeral.

A Xunta Directiva deu o visto bo a tódolos apartados, entre os que se atopaban o balance económico do 2014, o proxecto do orzamentos para o 2015, a memoria da actividade 2014, a proposta de novos prezos para os seguros ou as modificacións que se realizarán en varios regulamentos de competicións.

Seguidamente e sen pausa comezaba a xuntanza da Comisión Delegada, órgano representante da Asemblea Xeral, que tamén tiña por diante unha longa xuntanza na que deron o seu visto bó a tódolos puntos da orde do día que lle competían, como o estudo, e elaboración, do informe previo á aprobación dos orzamentos para o 2015 e de xestión económica e deportiva do pasado exercicio, ou a proposta dos prezos da Licenza Federativa Autonómica e Documentos Únicos para o 2015.

A xornada, que remataba preto da medianoite, quedou marcada pola unanimidade na aprobación dos puntos das ordes do día e vontade de traballo de ambos órganos de cara a afrontar un novo ano federativo.

A vindeira e máis importante xuntanza federativa será este mesmo sábado, día 11, no Hotel Congreso a partir das 10.30h da mañá, momento no que terá lugar a Asemblea Xeral da FGC.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

FGC - CMATV
06/02/2023
A caza menor e a posta en valor do cazador foron propostas presentadas pola FGC ante a Conselleira de Medio Ambiente

SECRETARIA XERAL PARA O DEPORTE
02/02/2023
A nova Xunta Directiva da FGC destaca a importancia da actividade cinexético deportiva ante o Secretario Xeral para o Deporte

PRESIDENTE DA FGC
02/02/2023
“Pido unión e traballaremos para que a sociedade vexa aos cazadores tal e como somos”

FACE
26/01/2023
O presidente da FGC participou na reunión da xunta directiva da FACE celebrada en Dortmund


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza