Campionato Provincial de Pontevedra de Percorridos de Caza con Arco

O pasado domingo 12 de abril disputouse o Campionato Provincial de Pontevedra de Percorridos de Caza con Arco organizado pola Federación Galega de Caza en Pontevedra e contando coa colaboración do Clube Cazarco e a Sociedade de Caza A Mondarizana.

Ata un total de 23 arqueiros e arqueiras se deron cita no concello pontevedrés de Mondariz para participar nesta sexta edición da fase provincial de Percorridos de Caza con Arco. Un campionato xuzgado por Jorge Figueroa Miguez e José Ángel Veiga Martínez.

Na modalidade de arco asistido o campión foi Jaime Villaverde Balado con 286 puntos seguido de Pedro Martínez Ángel en segunda posición con 223 puntos. Ángel Villaverde Balado situábase no terceiro caixón con 205 puntos.

En arco tradicional o campión era o arqueiro José Ramón Castro con 194 puntos. O subcampionato recaía en Frank Ransdale con 119 puntos. Con 85 puntos o terceiro posto era para Francisco Javier Lesende Sieiro.

En damas asistido a campioa era Dolores Bugarín con 222 puntos seguida de Iratxe Guillen e Mª Carmén Novoa con 172 e 85 puntos en segunda e terceira posición respectivamente.

En Long Bow o campión era Juan Bandeira con un total de 110 puntos. Con 89 puntos, o subcampionato era para Lee Ransdale e con 64 puntos Benigno Ruiz acadaba o terceiro posto.

Na categoría junior o campión era Marcos Gómez Dacosta con 240 puntos namentres que en cadetes o primeiro posto era para Rebeca Villaverde Bugarín con 89 puntos.