Inicio Calendario Buscar Contacto

Novas
Imprimir
COMPAK SPORTING
Cebreiro García, campión galego
8/6/2015

XVI Campionato Galego de Compak Sporting

Nun campionato moi disputado o tirador Daniel Cebreiro García acadou onte 7 de xuo o Campionato Galego de Compak ao manter un intenso pulso co vixente campión galego Antonio Iglesias Otero arrebatándolle o título autonómico en Río Sar.

Baixo a organización da Federación Galega de Caza e a colaboración da Sociedade Deportiva Río Sar, arrincaba esta décimo sexta edición da fase final do autonómico de Compak Sporting disputada a 150 pratos.

Pratos estes moi complexos voados en 3 campos a dúas voltas con esquemas diferentes que puxeron en apertos ás mellores escopetas galegas citadas onte en Río Sar.

Mostra da dificultade e variedade que había nos diferentes campos queda reflectido nos resultados acadados polos tiradores dos primeiros postos da clasificación xeral os cales eran capaces de facer 23 e 24 pratos nun campo e pasar a 17 ou 19 noutro.

Foi o xoven tirador coruñés Daniel Cebreiro García o que se facía co Campionato Galego ao acadar un total de 130 pratos. Unha vitoria moi pelexada co vixente campión Antonio Iglesias Otero que se tiña que conformar coa medalla de prata ao rematar a tan so un prato, 129, de Cebreiro. Foi o pontevedrés Martín Baqueiro Villafines o que remataba en terceira posición con 125 pratos escachados.

En veteranos o campión era Elisardo Cea Cebreiro con 112 pratos por diante de José Rodríguez Cameselle con 109 pratos en segunda posición. Antonio Castro Ferreiro completaba o podio en terceira posición con 106 pratos.

Artemio Formoso en handisport, Ángel Mosquera en superveteranos, Alejandro Fernández Seco en xuvenís e Mercedes Saavedra en donas completaban o elenco de campións deste XVI Campionato Galego de Compak Sporting.

A selección galega quedaba composta polos seguintes tiradores: Daniel Cebreiro, Antonio Iglesias, Martín Baqueiro, Artemio Formoso e Elisardo Cea.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

RASTRO DE XABARIL MESÓN DO VENTO
07/08/2019
Michael Otero con “Camarón” gañadores no Mesón do Vento

COPA GALICIA DE CANS DE PARADA
06/08/2019
“Berta de Vilar de Donas” de José María Carnota en Británicos e “Arco das Fontiñas” de Jaime Aneiros en Continentais, foron os Campións Galegos

VI COPA ESPAÑA DE COELLO
04/08/2019
A Copa España de Coello foi para o lote de beagles propiedade de Manuel Aguión

AUTONÓMICO DE SAN HUBERTO
04/08/2019
Antonio Olveira, Nuria María Varela e Juan José Canosa son os novos Campións Galegos de San Huberto


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza