A Oficina Nacional de la Caza, la Conservación y el Desarrollo Rural (ONC), da que forma parte a Federación Galega de Caza, valora positivamente que aos poucos se vaian resolvendo os procedementos contenciosos que existen entre as federacións autonómicas e a Real Federación Española de Caza.

E é que hoxe se fixo pública a sentenza do Xulgado de Primeira Instancia e Instrución Único de Archidona que rexeita e desestima integramente a demanda interposta pola Real Federación Española de Caza (RFEC) fronte á Federación Andaluza de Caza en reclamación dineraria correspondente ás licenzas federativas expedidas no ano 2013. A sentenza do Xulgado malagueño condena á RFEC ao abono de todas as costas do proceso.

Esta sentenza súmase ás xa ditadas no mesmo sentido por xulgados de Galicia, Castela León, Castela A Mancha e Navarra.

A ONC, entidade que aglutina ao 100% dos sectores relacionados coa caza e a conservación, confía en que unha vez que se vaian resolvendo os lexítimos contenciosos xudiciais as augas volvan á súa canle e retómese a normalidade en todos os niveis do sector cinexético.