Volver ao inicio
Inicio Calendario Buscar Contacto

Novas
Imprimir
CONSERVACIÓN
O Presidente da FACE destaca que o valor económico da caza é “incalculable”
6/10/2016

Diversos estudos realizados nos Estados Membros cifran en aproximadamente 16.000 millóns de euros o impacto da caza na economía europea. Con todo, esta cifra, xa suficientemente importante, está lonxe da realidade posto que se basea unicamente en contribucións directas obviando o inxente traballo a favor da conservación que os cazadores realizan de maneira voluntaria. Así de contundente mostrouse Michl Ebner, presidente da Federación de Asociacións de Caza e Conservación da UE (FACE) na xornada de traballo en torno ao “Valor Económico da Caza” celebrada dentro do “Intergrupo de Biodiversidade” do Parlamento Europeo, na que participou a ONC a través do seu director xeral, Óscar Beltrán. 

Ebner explicou durante a súa intervención que a cifra de 16.000 millóns de euros resulta cuestionable porque non ten en consideración moitas das actividades indirectas que se benefician da caza, nin tampouco todos aqueles labores que os propios cazadores realizan no campo a favor da conservación. No informe, ao que tamén contribuíu a ONC e que foi presentado por FACE e o Presidente do Intergrupo, Karl-Heinz Florenz, resaltouse o gran traballo que de maneira filantrópica realizan os cazadores no campo europeo en xeral e a rede Natura 2000 en particular, para conservar a biodiversidade, as especies silvestres e evitar incendios. Un traballo cun valor económico incalculable que non se ten en conta en ningún estudo. 

Así, segundo os datos da FACE, un cazador europeo dedica de media ao ano 2.400 euros de forma directa, miles de horas ao traballo voluntario cun valor incalculable, máis as cantidades que indirectamente gasta na práctica. O primeiro ten unha incidencia directa moi positiva sobre a conservación dos ecosistemas e, todo iso, no desenvolvemento rural en xeral. Ao final da reunión, os asistentes solicitaron aos membros do Parlamento Europeo presentes que sexan as propias institucións europeas quen elabore o próximo estudo sobre o impacto económico da caza.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

GRATUITO
09/05/2022
Taller en liña sobre regulación das poboacións de xabaril mediante a eficacia cinexética

DATAS E ESPECIES CINEXÉTICAS
28/04/2022
Tempada cinexética 2022/2023: Datos de interese da Orde de Vedas

DO 1 DE ABRIL AO 31 DE XULLO
30/03/2022
Unha nova tempada de asexos de corzo en Galicia

SOCIEDADES DE CAZA
03/07/2021
A sociedade deportiva Nosa Señora da Cela de Monfero dona máis de trescentos kilos de carne de caza á cociña económica de A Coruña


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza