Consellos para a custodia das armas

No derradeiro mes foron varios os sucesos de roubos e intentos de roubo de armas a cazadores galegos, feito este que puxo en alerta a todo o colectivo cinexético ao ser unha situación que nunca antes sucederá apesares de que a FGC, en varias reunións, coa Administración e órganos competentes na materia xa tentou buscar sen éxito unha cobertura legal á custodia de ditas armas.

Ante isto a Federación Galega de Caza aconsella aos cazadores tomar unha serie de medidas para garantir dita custodia e evitar situación desagradables nas nosas xornadas de caza:

• Extremar as precaucións na vixilancia das nosas armas non perdendo de vista a súa situación e a custodia da mesma.
• Nos nosos descansos tentar non perder o contacto visual co vehículo ou lugar onde temos gardado o noso rifle ou escopeta.
• Durante os rastros das batidas deixala baixo a tutela / vixilancia dalgún membro da cuadrilla.
• Nunca deixar a arma enfundada visible dende o exterior do noso vehículo.
• En caso de atoparnos ou desconfiar de persoas amigas do alleo alertar as autoridades competentes.