Inicio Calendario Buscar Contacto

Novas
Imprimir
CAZA MENOR PONTEVEDRA
Cristóbal Cacheda acada o título de campión provincial
31/10/2016

Campionato Provincial de Pontevedra de Caza Menor con Can

O pasado sábado 29 de outubro disputouse nos terreos do Tecor pontevedrés de Silleda, o Campionato Provincial de Pontevedra de Caza Menor con Can organizado pola Federación Galega de Caza en Pontevedra en colaboración coa Sociedade de Cazadores de Silleda.

O campionato transcorreu sen imprevistos pero baixo unhas condicións de moita calor que dificultaron e lastraron os avistamentos e capturas apesares de que o terreo dispoñía de caza para que se produciran máis lances. 

Foi o cazador Cristóbal Cacheda Chouza o que co seu can “Ramiro” obtivo o primeiro posto ao chegar ao control con un coello que á postre lle serviría para ser o novo campión provincial con 350 puntos. En segunda posición, e cun pombo, remataba Adrián Martínez Villasenín coa súa cadela “Zara” e 150 puntos. En terceira posición, e xa por sorteo, remataba Juan José del Río Solla coa podenca “Reina”.

No tradicional xantar de irmandade tivo lugar a entrega de premios por parte das autoridades alí presentes entre as que se atopaban directivos da FGC en Pontevedra e da Sociedade de Caza de Silleda. 

Acudirán ao Campionato Autonómico da especialidade en representación da provincia de Pontevedra, os tres primeiros clasificados citados anteriormente mais os seguintes cazadores: Iván Moure González, Diego Rodríguez Otero e Julio González Soto, este último por ser o actual campión galego da especialidade. 

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

PROVINCIAL A CORUÑA DE RRCC
17/06/2019
O gañador da proba foi Vasconcellos Vicente e o campión provincial Torres Parada

RASTRO DE COELLO CASTELO DE VITRES
17/06/2019
Campionato de Rastro de Coello desputado en Castelo de Vitres

GALEGO DE XABARIL
17/06/2019
Sebastián Martínez con “Pumuky” campións galegos de rastro de xabaril en Dozón

PROVINCIAL DE PONTEVEDRA DE ARCO
12/06/2019
Os arqueiros pontevedreses desputaron o provincial en Fecap


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza