Volver ao inicio
Inicio Calendario Buscar Contacto

Novas
Imprimir
RRCC PONTEVEDRA
Martín Baqueiro campión provincial
25/4/2017

O campión Martín Baqueiro, no podio dos senior

O pasado 23 de abril tiña lugar en Burgueira - Oia a edición número trinta e un do Campionato Provincial de Pontevedra de Percorridos de Caza. Todo elo baixo a organización da Federación Galega de Caza en Pontevedra e contando coa colaboración do clube de tiro “Eido Dalbo” e a Sociedade de Caza A Magdalena de Burgueira.

Cunha extraordinaria deportividade un total de 48 tiradores acudían a este campionato no que estaba en xogo o título provincial e a clasificación para o autonómico da especialidade.

Foi o tirador Martín Baqueiro Villafines o que acadaba o título de campión provincial ao obter un total de 84 pratos escachados e subindo ao máis alto do podio. Con 79 pratos remataba Francisco Javier Rivero Martínez en segunda posición e Daniel Domínguez Treinta tíñase que conformar co bronce con 78 arxilas. 

Miguel Blanco recibiu unha pequena homenaxe pola súa traxectoria de mans de Francisco Couselo (Presidente FGC Pontevedra) e Cristina Correa (Alcaldesa de Oia)

En veteranos o campión era Cristino Mera Román con 72 pratos derribados, e José María González Rodríguez era o campión en superveteranos con 62 pratos.

Á marxe dos resultados cabe destacar a presenza de Cristina Correa, Alcaldesa de Oia, que se involucrou especialmente no Campionato, así como a de Daniel Benavides, Xefe Territorial de Deportes, que tamén amosou o apoio ao deporte da caza coa súa presenza.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

AUTONÓMICO DE CAZA DE RAPOSO
06/02/2023
O título autonómico foi para o equipo pontevedrés “Rodeiro I”

PROVINCIAL OURENSE RAPOSO
24/01/2023
A cuadrilla “Lamela” gañadores en Toén

PROVINCIAL PONTEVEDRA RAPOSO
24/01/2023
A cuadrilla “Salnés 2” gañadores do provincial

PROVINCIAL CORUÑA RAPOSO
23/01/2023
O equipo “Fradiz” foi o mellor clasificado en Boiro


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza