Volver ao inicio
Inicio Calendario Buscar Contacto

Novas
Imprimir
RASTRO XABARIL
O novo campión galego é o lucense Michael Otero con “Fina”
19/6/2017

Na xornada do pasado sábado 17 de xuño os amantes dos cans de rastro sobre xabaril tiñan unha cita no concello pontevedrés de Pazos de Borbén onde se disputaría a edición número XXII do Campionato Galego de Cans de Rastro Atrelados sobre Xabaril.

Os máis de 30 monteiros clasificados nos seus campionatos provincias, Copa Galicia e o campión da edición anterior, achegábanse a Pontevedra para desfrutar dun campionato organizado pola Federación Galega de Caza e contando coa colaboración da Sociedade de Cazadores de Pazos de Borbén.

Baixo un sol de xustiza e co termómetro acadando valores superiores os 30 grados tiña lugar este autonómico de xabaril que destacou pola calidade dos campos onde tiveron lugar as fases clasificatorias e final así como unha extraordinaria organización liderada por Roberto Carlos Costa Tellado.

Foi o monteiro lucense Michael Otero Folgueira o que coa súa cadela de nome “Fina” obtiña o primeiro posto con 236,5 puntos e se proclamaba Campión Galego da especialidade. Os seguintes postos do podio tamén foron ocupados por monteiros lucenses, a prata recaeu en José Quintela García con “Clai” cun total de 225,5 puntos. O ata este día actual campión galego da especialidade, José Manuel Fernández Fernández co seu can “Pirulo”, situouse en terceira posición da clasificación xeral con 224,75 puntos.  

A clasificación restante resultou na seguinte orde: José Luis Iglesias, Antonio Sánchez, Manuel Vecino, Francisco Rodeiro, Juan Vecino, Salvador Sestelo, José Manuel Barreiro, Jacobo Rodríguez e Manuel Rodríguez.

Organización, autoridades, xuíces, participantes e público desfrutaron dun extraordinario xantar que tivo a súa guinda na entrega de premios os primeiros clasificados. 

O vindeiro 1 de xullo terá lugar en Grado (Asturias) o Campionato de España de Cans de Rastro Atrelados sobre Xabaril no que desexamos que os monteiros galegos que representen a nosa comunidade obteñan un destacado papel.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

PROVINCIAL CORUÑA COELLO
2025-09-15
Os beagles de Abralde Crujeiras gañadores do provincial coruñés de coello

CANS PARADA SOBRE PERDIZ EN MONTAÑA
2025-09-08
“Sar do Coto da Neboa” de Francisco Santiago foi o mellor calificada na Proba de Cans de Parada sobre Perdiz en Montaña

CAMPIONATO GALEGO CANS PARADA
2025-09-01
O setter “Único” de Antonio Vilar e o braco “Iron” de Jaime Aneiros, foron os Campións Galegos da Copa Galicia de Cans de Parada 2025

CAMPIONATOS GALEGOS DE ARCO
2025-08-27
Campións galegos de percorridos e arco o voo


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza