O pasado 5 de maio disputouse no Campo de Fútbol Río Seco de Narón, unha edición máis da fase provincial de A Coruña de Paxariles que contou coa organización da Federación Galega de Caza en A Coruña e coa colaboración da Sociedade Ornitolóxica de A Faisca.

A maña transcorreu sen imprevistos e os diferentes paxaros cantores foron emitindo os seus cantos para o goce do resto de participantes e público alí presente.

Rematada a proba a clasificación final nas diferentes categorías resultou como segue a continuación:

Na categoría de Liñaceiro a campioa foi Mª Ángeles Pérez Arcos cun total de 44 puntos. Miguel Ángel Ares Ares acadaba o segundo con 34 puntos namentres que o terceiro posto era para María Aurora Rio Pico con 32 puntos.

En Xílgaro, o primeiro posto era para María Aurora Rio Pico con 80 puntos. Con 78 puntos e en segunda posición remataba Mª del Pilar Beltrán Blanco. E xa en terceira posición situábase Camilo Taboada Piñeiro con 68 puntos.

En Verderolo o primeiro posto era para Jonathan Crego González con 48 puntos. Con 19 puntos Pedro Fernández Jiménez era o subcampión namentres que Jonathan Crego González acadaba o terceiro posto con 18 puntos.

Miguel Ángel Ares Ares en Mixto de Liñaceiro facíase co primeiro posto da clasificación xeral con 45 puntos. Mª Ángeles Pérez Arcos conformábase co segundo posto 18 puntos. A tan so un punto do segundo clasificado, o bronce era para Aurelio Seijas Blanco.

Na categoría de Mixto de Xílgaro o campión era Ramón Lago Castro con 107 puntos. José Luis Gándara Conde acadaba o subcampionato con 96 puntos. Con 94 puntos e en terceira posición remataba José Sanjuan Maceiras.

E xa para rematar, en Mixto de Verderolo o campión era Pedro Fernández Jiménez con 39 puntos e o subcampión Jacobo Romero Gómez con 15 puntos. Pedro Fernández Jiménez tamén acadaba o bronce con 3 puntos.