Inicio Calendario Buscar Contacto

Novas
Imprimir
PROVINCIAL OURENSE CAZA MENOR
Jaime Pintos marcou as diferenzas no provincial ourensán de caza menor con can
28/10/2019

Terras da Sociedade de Caza de Xinzo de Limia volveron a acoller o pasado 26 de outubro unha proba oficial, que se responsabilizou de organizar a Federación Galega de Caza en Ourense en colaboración coa sociedade locataria que cedeu de xeito altruísta o esceario competitivo. Tratábase do Campionato Provincial de Caza Menor con Can no que tomaron parte os mellores cazadores ourensáns da especialidade e que gozaron de cinco horas (de 9 a 2) de actividade venatoria.

Unha xornada da que podía decirse que tódolos factores positivos uníronse para que o evento resultase do máis expléndido que un poida imaxinarse, o que nos obriga a falar  dun excelente esceario, dunha magnifica climatología, dunha estupenda organización, dun ambiente e deportividade admirable, e duns resultados formidables para os tempos que corren, capturándose en total: 13 pezas (6 paspallás, 4 perdices e 3 agachadizas), que se ben a simple vista poden paracer poucas, a densidade de caza queda reflexada nesa trintena de levantes que fixeron os concursantes e que por diferentes causas non foron cazadas.

CLASIFICACIÓN

  • 1º e campión, Jaime Pintos  Dávila (Vilar de Barrio), con 800 puntos, (2 paspallás e 3 agachadizas). Participou con “Hidra”.
  • 2º e subcampión, Bruno Criez Rivero (Carreiro Ladrón), con 550 puntos (1 perdiz) Axudouse  con “Tiza”.
  • 3º, José Carlos Otero Pérez (Pena Maior) con 550 puntos. A sua compañeira foi “Luna da lobada”.
  • 4º, Santiago Álvarez Domínguez (Trives), tamén con  1 perdiz e 550 puntos. Cazou coa cadela “Linda”.
  • 5º, Joge Vázquez Iglésias (Caldelas), con 1 perdiz e 550 puntos. Tivo de axudante a “Enxa”

Todos participaron con cadelas de raza setter inglés e os cinco primeiros representarán a provincia de Ourense na fase final  autonómica.

Como ven sendo habitual, concluida a competición celebrouse o tradicional xantar de confraternización e de clausura do evento ó que asistiron os directores do Campionato, Manuel Feijoo e José Castro, así  como a plana maior da Sociedade de Caza, sobresaindo a presenza do Presidente, David Pérez e da Secretaria,  Uxía Portela. Un acto protocolario no que non faltaron nin os discursos nun clima acolledor e cordial.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

CANS DE PARADA OURENSE
10/03/2020
Carnota Ríos con “Berta” e “Bren” foi o triunfador en Ourense na proba de “Cans de Parada”

PROVINCIAL OURENSE SAN HUBERTO
10/03/2020
Lucas Otero campión provincial de Ourense de Caza San Huberto

PROBA ABERTA CETRARIA
18/02/2020
Cetreiros en Cospeito

CETRERÍA EN A CORUÑA
29/01/2020
Cetreiros en Boiro


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza