Proba aberta de Cetrería en Cospeito – Lugo

O pasado sábado día 15 de febreiro desputouse no concello lucense de Cospeito, concretamente no lugar de Arneiro, unha edición mais da Proba Aberta de Cetrería organizada pola Sociedade de Cazadores da Terra Chá, a Sociedade Galega de Cetrería e a Federación Galega de Caza en Lugo e contando coa colaboración dos concellos de Cospeito, Castro de Rei e A Pastoriza. Apesares das baixas temperaturas, a alta participación e o numeroso público que desfrutou dos voos das diferentes aves rapaces fixeron que a xornada fose moi frutífera e de enorme calidade por parte dos 40 cetreiros inscritos.  

Baixo Voo “Azores”

Nesta disciplina o campión da proba foi o cetreiro Pedro San Juan, un cetreiro que chegaba a Cospeito dende León sendo un dos competidores máis prestixiosos e acadando así o seu campionato número 51. Evaristo González, de Cambados, obtivo a prata e tamén deleitou a todo o público asistente coa súa impresionante aguia real. 

Baixo Voo “Harris”

O primeiro posto foi para Brais Mellado que apesares de ser o seu primeiro campionato seguro que pronto chegarán grandes resultados cun futuro moi prometedor nesta disciplina. Cun segundo posto, Diego Fernández, pechaba unha brilante tempada. 

Altanería

O campión foi o socio do Tecor Terra Chá Francisco González, namentras que o segundo posto era para Roger Domínguez.

Pequenas Aves

Laura Vázquez, cetreira que nos ten acostumados a estar nos primeiros postos, novamente acadaba o ouro e a prata.

Mao por Mao

Nesta modalidade a campiona era Laura Vázquez e o segundo posto do podio era para Miguel Vázquez.