Volver ao inicio
Inicio Calendario Buscar Contacto

Novas
Imprimir
PROBA CEIBA XABARIL BARBANZA
O lote de Alejandro Couso foi o mellor calificado no Barbanza
28/06/2021

Copa Federación de Cans de Rastro sobre Xabaril Salvaxe “Proba de Ceiba do Barbanza”

No día de onte, 27 de xuño, a comarca do Barbanza acollía a primeira edición da Copa Federación de Cans de Rastro sobre Xabaril Salvaxe “Proba de Ceiba do Barbanza” baixo a organización da Federación Galega de Caza na Coruña e coa colaboración das sociedades de caza Lousame Noia, Rianxo, Porto do Son e Castelo de Vitres-Folgoso.

Gran expectación ante esta primeira edición desta proba que tanta paixón desata nos monteiros galegos e do norte de España. Destacamos que, apesares de ser a primeira edición, o resultado foi un éxito en canto ao desenrolo da proba así como das prestacións dos diferentes lotes participantes.

Un enorme traballo a pe de monte fixo que a organización, contando co esforzo dos rastreadores, dispuxera de rastros de xabaril salvaxe para tódolos lotes participantes.

 

Rematada a participación dos 15 equipos inscritos destacar a calidade dos mesmos que souperon amosar o bo facer de monteiros e cans na demanda, desencame e persecución do porco bravo.

Foi o lote de cans propiedade de Alejandro Couso o que acadou o primeiro posto da clasificación xeral e converténdose no campión desta primeira edición. O asturiano Manuel Garci era o segundo clasificado namentras que a monteira Elisa Amado Parga obtiña o bronce. Destacar a referencia realizada ao can Narco propiedade de Alejandro Couso como mellor can da proba.

 

Na entrega de premios a FGC de A Coruña quixo facer unha mención especial ao enorme traballo organizativo así como a inestimable colaboración das sociedades de caza, xuíces, guías e rastreadores. “Foron moitos os equipos que se apuntaron para participar e lamento non dar espazo a todos pero somos conscientes da complexidade organizativa deste tipo de probas, estou moi satisfeito co resultado” En palabras do presidente da FGC de A Coruña, Álvarez Villar.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

CAMPIONATO GALEGO XABARIL
2025-06-16
Julio Ferradás con “Copy” proclamouse novo Campión Galego de Rastro sobre Xabaril

NACIONAL DE XABARIL
2025-06-13
Tomiño recibe aos mellores cans de rastro sobre xabaril de 2025

PROVINCIAL COMPAK SPORTING CORUÑA
2025-06-09
Cebreiro domina o provincial coruñés de Compak

COMPAK SPORTING OURENSE
2025-06-03
Francisco Javier Villanueva renova o título de campión provincial de compak


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza