René Vale, Nicolasa González e Juan José Canosa proclamáronse Campións Galegos de San Huberto na Terra Chá
XXXIII Campionato Galego de Caza San Huberto desputado no Tecor Terra Chá
No día de hoxe, 31 de xullo, tiña lugar na comarca lucense da Terra Chá, a final do Campionato Galego de Caza San Huberto no que René Vale en Homes, Nicolasa González en Donas e Juan José Canosa en Levantadores resultaban campións do Autonómico.
Baixo a organización da Federación Galega de Caza e contando ca esencial colaboración do Tecor Societario da Terra Chá desputábase esta fase final na que destacamos a deportividade e a dureza dos terreos onde se desputaron as fases finais deste Campionato Galego.
Na categoría Masculina os diferentes cazadores clasificados nos seus respectivos campionatos provinciais dividíanse en 3 campos dos cales, os dous mellores pasaban o barrage final. Un intenso barrage no cal o cazador René Vale García co setter inglés “Suayper de Piago” obtiña a mellor puntuación, 82 puntos, e acadaba o título de campión autonómico da especialidade. Jaime Aneiros Ardao co macho de pointer “Baco das Fontiñas” era o subcampión con 76 puntos, namentres que Corsino Valero Villar coa femia de pointer de nome “Kira” obtiña o bronce con 69 puntos.
Na categoría de Levantadores o primeiro posto e revalidando o título de Campión Galego era para Juan José Canosa Vigo co springer spaniel “Tyson” e 65 puntos. Eloy Rodríguez Martínez con “Piti de Forvelaz” era o que acabada o sucampionato con 53 puntos namentres que compretaba o podio Eloy Rodríguez Rego con “Tras” e 52 puntos.
A cazadora Nicolasa González Carredoguas coa pointer femia “Conga” era, con 66 puntos, a flamante campiona na categoria de Donas. A prata era para Nuria María Varela Painceiras co macho de pointer “Perseo da Xeara” e 60 puntos. Ana Isabel Arbiol Ledesma acompañada pola pointer femia “Tila de Vilar de Donas” acadaba o terceiro posto da clasificación.
A entrega de premios puxo o punto e final a esta edición número XXXIII do Autonómico de San Huberto no que tamén se entregou a placa de Campión da Copa Galicia da especialidade a Antonio Costa e se fixo unha mención especial pola súa traxectoria ao xuíz Manuel Rebordelo.
Este Campionato Galego contou co patrocinio da Secretaría Xeral para o Deporte, Mutuasport, Arion, Proyecta Galicia e Perdices Brandariz.
