Volver ao inicio
Inicio Calendario Buscar Contacto

Novas
Imprimir
CURSOS ONLINE 2021
Unha aposta firme da Federación Galega de Caza pola formación e a seguridade do cazador
17/09/2021

Os/as alumnos/as recibirán diverso material de seguridade na caza e aqueles /as que superen a avaliación recibirán DIPLOMA acreditativo do curso. 

Novamente a Federación Galega de Caza comeza o seu particular curso escolar cinexético coa apertura dos Cursos Online sobre a Prevención, Seguridade e Formación no eido da caza. 

Ao igual que na pasada edición, dada a actual situación sanitaria e co obxecto de favorecer o acceso a todos os cazadores desde calquera recuncho de Galicia a formación será impartida de xeito telemático e totalmente gratuíto,  a través do campus virtual da Escola de Caza da FGC.

A  Formación de Responsables de Sociedades de Caza, que vai pola súa cuarta edición online, aborda a xestión interna e administrativa á que teñen que facer fronte no seu día a día os directivos destas asociacións, mentres que Curso de Seguridade na Caza e Primeiros Auxilios (2ª convocatoria online) pretende aproximar aos cazadores á prevención da sinistralidade e á practica da caza como unha actividade segura.

Ámbolos dous cursos están dirixidos a directivos e responsables de cazaría das sociedades de caza, pero tamén a técnicos cinexéticos, gardería, administrativos e cazadores en xeral.

Os cursos iniciaranse o día 4 de outubro e rematarán o día 29 do mesmo mes, podendo os alumnos adaptar os horarios da formación ás súas necesidades particulares. 

A inscrición poderá realizarse ata o 27 de setembro enviando o boletín de  matrícula debidamente cumprimentado a escola@federaciongalegadecaza.com. O boletín pode descargarse dende aquí.

A formación e información do cazador galego é cada día maior, pero cando se trata de seguridade cinexética é fundamental a prudencia pero tamén a formación, polo que desde a FGC animan a participar nesta nova edición dos cursos online para que ningún cazador se quede atrás.

Descargar programa dos cursos

Descargar boletín de inscrición

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

SECRETARIA XERAL PARA O DEPORTE
02/02/2023
A nova Xunta Directiva da FGC destaca a importancia da actividade cinexético deportiva ante o Secretario Xeral para o Deporte

PRESIDENTE DA FGC
02/02/2023
“Pido unión e traballaremos para que a sociedade vexa aos cazadores tal e como somos”

FACE
26/01/2023
O presidente da FGC participou na reunión da xunta directiva da FACE celebrada en Dortmund

CURSO
16/01/2023
Segunda edición do curso de “Persoa Cazadora con Formación” a celebrar en Lugo o vindeiro 23 de febreiro


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza