Volver ao inicio
Inicio Calendario Buscar Contacto

Novas
Imprimir
AUTONÓMICO DE SAN HUBERTO
O tridente formado por Pallas, Canosa e Varela proclamáronse Campións Galegos de San Huberto no Forgoselo
31/07/2022

XXXIV Campionato Galego de Caza San Huberto desputado no Tecor Venatoria das Pontes

No día de onte, 30 de xullo, tiña lugar no excepcional monte do Forgoselo a final do Campionato Galego de Caza San Huberto no que Jose Manuel Pallas en Homes, Juan José Canosa en Levantadores e Nuria Varela en Donas, resultaban campións do Autonómico.

Baixo a organización da Federación Galega de Caza e contando coa colaboración do Tecor Venatoria das Pontes desputábase esta fase final na que destacamos os máis que axeitados campos para a desputa desta modalidade. Mostra delo é preciso lembrar que o Forgoselo xa albergou un campionato nacional da especialidade. 

Baixo unha temperatura non excesivamente alta, sobretodo nos primeiros compases da proba, e un vento continuo e non variable deu de si unhas extraordinarias prestacións. Turnos de enorme calidade nos que apreciamos a simbiose entre can e cazador, tan importante na disciplina de San Huberto.

Os participantes repartíronse en catro campos: tres campos para Homes e un para Donas e Levantadores. O intenso barrage final de Homes foi desputado polos dous mellores de cada campo, nesta ocasión foron: René Vale, Jorge Dobarganes, Jose Manuel Pallas, Roberto Dopico, Roberto González e Corsino Varela.

 

Na categoría Homes o cazador José Manuel Pallas Germiñas co setter inglés “Marshal de Piago” obtiña a mellor puntuación, 78 puntos, e acadaba o título de campión autonómico da especialidade. Roberto González Arías co macho de bretón “Ciclón de Alcoporto” era o subcampión con 70 puntos, namentres que Jorge Fernández Dobarganes co pointer macho de nome “Bico da Brisa” obtiña o bronce con 67 puntos.

 

Na categoría de Levantadores o primeiro posto e revalidando o título de Campión Galego por terceiro ano consecutivo era para Juan José Canosa Vigo co springer spaniel “Tayson” e 78 puntos. Saturnino Vidal Pereira con “Coco” era o que acabada o sucampionato con 58 puntos, namentres que compretaba o podio José Sanmartín Pérez con “Chispa” e 37 puntos.

 

A xoven cazadora Nuria María Varela Painceiras co macho de pointer “Perseo da Xeara” era, con 75 puntos, a flamante campiona na categoría de Donas. A prata era para Nicolasa González Carredoguas coa pointer femia “Conga” e 58 puntos. Lidia Almeida de Oliveira acompañada do macho de setter inglés “Dilan de Piago” acadaba o terceiro posto da clasificación con 45 puntos.

 

Neste Autonómico de San Huberto tamén se deu a coñecer o Campión da Copa Galicia da especialidade. Nesta ocasión resultou gañador Edelmiro Leira Pérez co bretón “Nilo” que recibía a placa de campión e un pase directo para o Campionato Nacional da especialidade.

 

Antes do comenzo da entrega de premios e clausura do acto, a Federación Galega de Caza, da man do seu Delegado Autonómico, José Seco Alvite, fixo entrega dunha placa en recoñecemento á traxectoria de Nicolás Rivas García. En verbas do Delegado, Nicolás Rivas foi todo un referente na disciplina de San Huberto, albergando no seu palmarés varios campionatos nacional e do Mundo.

Este Campionato Galego contou co patrocinio da Secretaría Xeral para o Deporte, Mutuasport e Arion.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

MEMORIAL RRCC
08/08/2022
Torres Parada adxudícase o Memorial en Río Sar

GALEGO DE CANS DE PARADA
01/08/2022
“Berta de Vilar de Donas” de Jose María Carnota en Británicos e “Oscar de la Judería” de Vicente Cortés en Continentais, foron os Campións Galegos

SAN HUBERTO IRMANDIÑO VIMIANZO
28/07/2022
Roberto Dopico gañador do I Concurso Irmandiño de San Huberto de Vimianzo

PROVINCIAL PONTEVEDRA DE ARCO
26/07/2022
Os mellores arqueiros de Pontevedra


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza