A Sociedade de Caza de Valdoviño, a Sociedade de Caza Urogallo de Ferrol e a Sociedade de Caza e Pesca Xubia de Narón acollerán, o vindeiro 3 de xuño, esta primeira edición

Todo preparado para a desputa da primeira edición do Campionato de España de Cans de Rastro Atraelados sobre Xabaril Salvaxe o vindeiro 3 de xuño por terras galegas e nas que tamén se celebrará, simultaneamente, a I Copa España da modalidade para Xuveniles.

Destacar a xentileza, colaboración e traballo das Sociedades de Caza de Valdoviño, Urogallo de Ferrol e Xubia de Narón que non soamente cederán os seus terreos para a desputa destes campionatos se non que poñerán, a disposición da organización, un equipo de experimentados rastrexadores para a procura dos rastros do porco bravo.

Neste I Campionato de España os participantes virán clasificados polas respectivas federacións autonómicas de caza pero tamén haberá un número limitado de prazas para a participación libre. 

Sendo coñecedores da paixón que desata o rastrexo do xabaril con cans atraelados por parte dos xóvenes, tamén terá lugar a I Copa España da modalidade para monteiros menores de 18 anos, sendo para eles a inscrición gratuita.

Este Campionato e Copa de España será organizada pola Real Federación Española de Caza e a Federación Galega de Caza, facendo realidade un evento nacional e oficial desta modalidade sobre xabaril salvaxe tan solicitada polos monteiros norteños.

Vémonos en Ferrolterra!!!