Volver ao inicio
Inicio Calendario Buscar Contacto

Novas
Imprimir
ACORDO MEDIO RURAL
A FGC e a Consellería de Medio Rural apostan pola mellora dos hábitats na prevención fronte ós lumes
02/01/2024

Na pasada semana, a FGC mantiña unha reunión de traballo coa Consellería de Medio Rural durante a cal se acadaba un acordo de colaboración conxunta contra os lumes. 

En dita xuntanza estivo presente o Conselleiro de Medio Rural, José González, acompañado do Director Xeral de Defensa do Monte, Manuel Rodríguez; e polo ente federativo participou a Xunta Executiva co presidente Luis Eusebio Fidalgo ao fronte.

Nun primeiro intre, o presidente Fidalgo espuxo a importancia para os cazadores da conservación en estado óptimo dos montes e a necesidade da mellora dos hábitats para as especies de caza menor que facilitará a prevención da lacra dos lumes.

O paquete de medidas que inclúe este acordo esta, entre outros, a divulgación e concienciación na prevención e loita contra os lumes, así como diferentes traballos de xestión a realizar nas diferentes sociedades e Tecores federados.

Ditas actuacións farán referencia a realización de desbroces e limpeza de pistas forestais principais e estratéxicas, así como o acondicionamento de puntos de auga.

Desde a FGC cremos que o desenvolvemento deste acordo é fundamental para a defensa dos nosos Tecores e para a conservación e mellora do medio ambiente, polo que animamos a todas as sociedades federadas e a todos os nosos federados a participar activamente.

Nas vindeiras semanas a FGC e a Dirección Xeral de Defensa do Monte manterá contacto cos distintos distritos provinciais e informará puntualmente ás Sociedades de Caza que desexen acometer algunhas destas accións preventivas ante os lumes nos seus terreos cinexéticos.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

A CAZA TAMÉN VOTA
07/02/2024
Ante os comicios autonómicos a FGC activa “A Caza Tamén Vota”

DISTINCIÓNS MÉRITO DEPORTIVO 2023
31/01/2024
Javier Nogueira e José Ángel Torres reciben as Distincións ao Mérito Deportivo 2023

CONVENIO DIVULGACIÓN
24/01/2024
Divulgación da actividade cinexética

ANÁLISE CARNE DE XABARIL
11/12/2023
O mellor trofeo de caza segue sendo a saúde


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza