V Campionato de Cans de Rastro Atraelados sobre Xabaril Salvaxe

Na xornada do pasado 16 de marzo tiña lugar a quinta edición do Campionato de Cans de Rastro Atraelados sobre Xabaril Salvaxe na localidade coruñesa de Rianxo.  Un total de 24 monteiros e cans competiron para sumar puntos na Copa Galicia da especialidade que permitirá coñecer os clasificados por Galicia para o Campionato de España de Cans de Rastro Atraelados sobre Xabaril Salvaxe.

Baixo a organización da Federación Galega de Caza na Coruña e contando coa vital colaboración da Sociedade de Pesca de Rianxo tiña lugar esta proba de gran repercusión para os apaixoados do rastrexo de xabaril a traela.

Rematada a prestación dos finalistas en cada campo destacar a prestación do monteiro Rubén Gómez Ferreira que co can “Sil” obtivo unha puntuación final de 231 puntos e foi o campión da proba. Con 221,33 puntos remataba, en segunda posición, José Ramón Rivas Vidal con “Perla”. A cadela de nome “Jara” conducida polo junior Samuel Fernández de la Torre acadou o bronce con 212 puntos e foi tamén o campión da categoría junior con 218 puntos.

En juniors o segundo clasificado foi Erik Iglesias Meizoso coa cadela “Chita” e 210 puntos. O bronce foi para o xoven monteiro Brais Gómez Sabín que participou con “Chanclas” e acodou unha  puntuación de 203 puntos.

A entrega de premios e o xantar de irmandade puxo o punto e final a este campionato. Unha proba que contou coa colaboración da Deputación da Coruña e o patrocinio da Secretaría Xeral para o Deporte, Arion e Mutuasport.