XXVIII Campionato Provincial da Coruña de Paxariles “Xunta de Galicia”
O pasado 4 de maio desputouse en Narón, concretamente na Asociación Veciñal O Val, a edición XXVIII da fase provincial da Coruña de Paxariles “Xunta de Galicia” que contou coa organización da Federación Galega de Caza na Coruña e coa colaboración da Sociedade A Faisca.
A xornada transcorreu sen imprevistos e os diferentes paxaros cantores, divididos nas diferentes plumas, foron emitindo os seus cantos para o goce dos participantes.
Rematada a proba a clasificación final nas diferentes categorías resultou como segue a continuación:
Na categoría de Liñaceiro o campión, subcampión e terceiro clasificado foi Pablo Brage Piñeiro cun total de 52, 44 e 39 puntos.
En Xílgaro, o primeiro, o segundo e o terceiro posto era para Ricardo Díaz Fernández con 95, 87 e 52 puntos.
En Verderol a supremacía era para Pedro Fernández Jiménez que obtiña o primeiro e segundo posto con 17 e 11 puntos. O bronce era para Miguel Ángel Ares Ares con 11 puntos.
Jesús Ángel Faraldo Ares en Mixto de Liñaceiro facíase co primeiro e terceiro posto da xeral con 113 e 64 puntos. O segundo posto era para María José González Domínguez con 79 puntos.
Na categoría de Campero o primeiro e segundo posto era para Juan Luis Pita García con 30 e 29 puntos. Con 28 puntos o terceiro clasificado era José Luis Vez Rodríguez.
Na categoría de Mixto de Campero o primeiro posto era para Juan Luis Pita García con 57 puntos. Con 46 puntos o segundo posto era para Dionisio Ares Babarro e o terceiro clasificado era José Luis Vez Rodríguez con 42 puntos.
Na categoría de Mixto de Xílgaro a campiona era María Aurora Río Pico con 126 puntos. Fernando Nicasio García Castro acadaba o subcampionato con 113 puntos. Con 95 puntos e en terceira posición remataba José Luis Gándara Conde.
E xa para rematar, en Mixto de Verderolo o campión era Paula Veiga Sánchez con 38 puntos e a subcampiona era Mª Ángeles Pérez Arcos con 7 puntos. Paula Veiga Sánchez acadaba tamén o bronce con 1 puntos.
Este campionato provincial contou co patrocinio da Secretaría Xeral para o Deporte, Proyecta Galicia e Mutuasport.
