XXIV Campionato Provincial de Lugo de Compak Sporting “Xunta de Galicia”

No campo de tiro eventual sito no monte do Cristo da localidade lucense de Portomarín tiña lugar, o pasado sábado 10 de maio, a edición número XXIV do Campionato Provincial de Lugo de Compak Sporting “Xunta de Galicia”.

Un campionato provincial organizado pola Federación Galega de Caza de Lugo e que contou coa colaboración da Sociedade de Cazadores San Nicolás.

Un total de 24 tiradores desputaban este campionato provincial a 50 pratos divididos en duas canchas de tiro e nas que o lucense José Luis Otero del Río proclamábase campión da proba e campión provincial cun total de 46 pratos escachados. Unha tirada que estivo marcada por a intensa e persistente choiva que, a bo seguro, impediu aos tiradores acadar marcas máis altas. 

O segundo posto da Xeral foi para o tamén lucense Artemio Formoso Barro que rematou con 45 pratos despois de completar unha extraordinaria tirada realizando o único 25 da tirada e converténdose tamén no ganador en Tiro Adaptado. O coruñés Protasio Hermida Súarez foi o terceiro clasificado con 44 pratos despois de resultar gañador no desempate desputado con Constantino Vilar Rodríguez que obtiña o cuarto posto da xeral e campión da categoría Senior.  

Carlos Misa Alonso con 43 pratos era o subcampión da categoría Senior despois de resultar ganador no desempate con Mario González Yañéz.

Manuel Magide López en Veteranos, José María González Rodríguez en Máster, Maitane Fandiño Pérez en Donas e Alejandro Manuel Castro Pérez en Iniciados conformaron o abano de campións desta fase provincial lucense. 

Este Campionato contou co patrocinio da Secretaría Xeral para o Deporte, Proyecta Galicia e Mutuasport.