Volver ao inicio
Inicio Calendario Buscar Contacto

Novas
Imprimir
Proba de Ceiba Terras do Ortegal
O lote de cans propiedade de Alfredo Vázquez resultou campión da Proba de Ceiba Terras do Ortegal
2025-06-02

XV Copa Federación de Cans de Rastro sobre Xabaril Salvaxe “Proba de Ceiba Terras do Ortegal

Na xornada do sábado 31 de maio, tiña lugar a xa XV Copa Federación de Cans de Rastro sobre Xabaril Salvaxe “Xunta de Galicia”  Proba de Ceiba Terras do Ortegal, todo elo baixo a organización da Federación Galega de Caza na Coruña e coa colaboración das Sociedades de Cazadores de Ortegal, Venatoria Mañón e Cedeira-Cerdido.

Un día de monte, cans e xabariles no que tomaron saída un total de 21 equipos compostos por ata tres conductores e 6 cans.

Un ano máis Ortigueira foi un referente para os monteiros do norte de España grazas ao éxito organizativo e traballo dos rastrexadores, guías e xuíces. Mostra delo foron os numerosos levantes que se sucederon, exceptuando a un equipo, todos os lotes tiveron contacto co xabaril o que amosa o bo facer dos guías e rastrexadores asi como do nivel dos equipos presentados.

O Xurado de Competición estivo formado por Ángel Javier Muíño e José Luis Pérez e actuando como Directores da Proba Tito Tarela e Antonio del Río.

Foi o lote de Alfredo Vázquez Bugallo o que obtivo o primeiro posto con 1.172 puntos, converténdose no campión desta XV edición participando cos cans mestizos de nomes “Yaqui, Pinto, Adri, Hulk, Roble e Ringo”. Tamén o can “Roble” integrante deste lote obtivo o premio ao Mellor Can da Proba. Este monteiro completa deste xeito unha extraordinaria tempada de competicións ao ser tamén o campión da Proba de Ceiba de Terras do Barbanza.

José Manuel Costa foi o propietario do lote subcampión despois de realizar a prestación cos seus cans de nomes “Uno, Tata, Buba, Ulises, Senda e Venus” e obtendo unha puntuación de 1.150 puntos.  

Hugo Mantiñan co seu lote de brunos “Sol, Simba, Omar, Oso, Romar e Viki” obtiña o bronce con 1.078 puntos.

Facemos mención a clasificación dos seguintes lotes:

4.- Roberto Montesenin

5.- Pablo Martínez Castrillón

6.- Simón Fernández Saa

7.- Sergio Prol Arcos

8.- Pablo Ferreiro Muíño

9.- Juan Antonio Nogueira

10.- Jesús Antonio Taladriz

Previa a entrega de premios e en palabras do presidente da Sociedade de Caza de Cedeira, Javier Muíño, realizouse un emotivo acto polo perda de Manuel Iglesias en recoñecemento a súa persoa e a súa sempre colaboración nesta proba de Ceiba Terras do Ortegal.

Esta proba contou coa colaboración da Deputación da Coruña e co patrocinio da Secretaría Xeral para o Deporte, Mutuasport e Arion.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

COMPAK SPORTING OURENSE
2025-06-03
Francisco Javier Villanueva renova o título de campión provincial de compak

RASTRO XABARIL FESTA DA CAZA LUGO
2025-06-02
Maikel Otero con “Chacho” foi o campión provincial e Luciano Lago con “Rodolfo” campión da proba

SAN HUBERTO FESTA DA CAZA DE LUGO
2025-06-02
Jorge Martín con “Max” campión da proba e Juan Carlos Arteche con “Chula” campión provincial de San Huberto na Festa da Caza de Lugo

CAMPIONATO GALEGO FIELD TARGET
2025-06-02
Os mellores tiradores de Field Target desputaron o Autonómico en Rio Sar


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza