O pasado sábado 25 de outubro, nos montes do Tecor da Sociedade de Caza A Magdalena de Burgueira, no concello de Oia, celebrouse o XXXVIII Campionato Provincial de Pontevedra "Xunta de Galicia" de Caza Menor con Can.

Os participantes en compañía dos seus cans e os seus respectivos xuíces, gozaron da xornada cinexética grazas á cantidade de lances con exemplares  avistados.

Baixo a dirección de José Manuel Martínez a xornada trascorreu con normalidade, destacando a deportividade dos participantes, na cal o local Javier Calvo Simois, coa súa cadela setter "Nena" proclamouse campión provincial da especialidade con 550 puntos. O segundo posto era para Rubén Saavedra Cuiña, coa súa cadela "Baga" ao conseguir tamén 550 puntos. Tamén coa mesma puntuación pero en terceira posición remataba José Antonio Vasconcellos Vicente co seu can " Azor".

A estes tres cazadores acompañaranos Iván Moure González  e Sergio Suárez  Fernández conformando a selección provincial para o Autonómico da especialidade.

Este campionato contou coa colaboración de Pensos Bichoucos e co patrocinio da Secretaría Xeral para O Deporte, Proyecta Galicia e Mutuasport.