As federacións de caza logran o respaldo de varias comunidades autónomas para esixir ao Goberno unha posición firme en defensa da caza do paspallás
A Real Federación Española de Caza (RFEC) e as federacións autonómicas valoraron positivamente a posición trasladada por varias comunidades autónomas ao Ministerio de Agricultura, Pesca e Alimentación (MAPA) en relación coa xestión do paspallás común (Coturnix coturnix) e as posibles restricións que se están expoñendo no ámbito europeo.
Na carta remitida ao Ministerio, datada en 13 marzo, os responsables autonómicos en materia cinexética trasladaron a súa preocupación ante a posibilidade de que se impulsen desde Europa novas limitacións á caza do paspallás que non teñan en conta as evidencias científicas dispoñibles nin a diversidade territorial existente en España. Un posicionamento que coincide co defendido durante as últimas semanas pola RFEC e as federacións autonómicas de caza, que mantiveron un diálogo constante cos seus respectivos gobernos para trasladar as preocupacións e defender os intereses do sector cinexético.
Desde a RFEC destácase que este respaldo institucional reforza a posición do sector en defensa dunha xestión do paspallás baseado en criterios científicos, adaptada á realidade territorial e respectuosa co modelo competencial que atribúe ás comunidades autónomas a responsabilidade en materia cinexética.
Neste contexto, a federación nacional insiste en que calquera medida que poida exporse en relación coa caza do paspallás debe ser tecnicamente xustificada, territorialmente coordinada e proporcionada, e consensuada co propio sector.
Do mesmo xeito, a RFEC solicita ao Ministerio de Agricultura, Pesca e Alimentación que integre na posición que España defenda ante a Comisión Europea tanto as achegas das comunidades autónomas como as do sector cinexético, evitando decisións homoxéneas que non teñan en conta a diversidade ecolóxica e cinexética do noso país.
“A implicación das comunidades autónomas demostra que existe unha preocupación compartida ante a posibilidade de adoptar restricións inxustificadas. O Ministerio coñece a responsabilidade e o compromiso do sector cinexético e debe trasladar con claridade esta realidade a Bruxelas”, sinalan desde a RFEC.
A RFEC lembra ademáis que os cazadores españois desempeñan un papel fundamental no seguimento, coñecemento e xestión do paspallás, participando activamente en proxectos científicos e en programas de monitorización que permiten dispoñer de información rigorosa sobre a situación da especie.
Por todo iso, a RFEC e as federacións autonómicas reiteran a súa disposición para colaborar con todas as administracións implicadas para avanzar cara a modelos de xestión equilibrados que garantan a conservación da biodiversidade sen menoscabar a continuidade dunha actividade profundamente ligada ao medio rural español.
