Carlos A. Arnoso con “Chino” gaña a proba de Rastro de Xabaril de Mesón do Vento

O pasado 7 de agosto disputábase no Tecor da Sociedade de Cazadores “O Gatillo” en Ardemil, Ordes (A Coruña) o sétimo Campionato de Cans de Rastro de Xabaril que se organizaba dentro do programa da XVIII Feira de Cans de Caza “Mesón do Vento”.

Participaban un total de 26 monteiros na proba, sendo Carlos A. Arnoso García quen co seu can “Chino” resultaba gañador ao acadar 228 puntos.  Segundo clasificado era José M. Yáñez Castro con “Ron” que remataba con 211 puntos. Terceiro clasificado Cándido Picón con “Rosi” que chegaba aos 193 puntos.