Na proba celebrada o sábado 27 de agosto en Riveira, puntuable para a Copa Galicia.

O pasado sábado, a localidade coruñesa de Riveira acollía a celebración da última proba do calendario, puntuable para a Copa Galicia de Rastro de Coello 2011, na que participaron 92 cans -23 equipos-.

O cazador de Negreira, José Pais Serrano impúxose como vencedor absoluto; Pais que presentaba un lote de beagles foi primeiro na clasificación por lotes con 561 puntos, e ademais o seu can “Boby” facíase co título de Mellor Can, con 155 puntos.

Segundo, e subcampión, foi Domingo Antonio Lista Blanco, de Riveira, con 536 puntos; seguido en terceiro lugar do cambadés, Alfonso Rey Baulde, con 517 puntos, mentres que a cuarta praza era para o cazador de Carballo, Juan Carlos Casas Cambón, con 516 puntos.

A competición, organizada polo Club Amigos dos Cans de Caza, xulgábana os xuíces da FGC Alejandro González, José Manuel Piñeiro, Ramón Barreiro, Nicolás Castro e José Moure.