Inicio Calendario Buscar Contacto

Novas
Imprimir
XUNTANZAS
Representantes da FGC reúnense co Director Xeral de Conservación e co Subdirector Xeral de Deportes
14/9/2011

Durante a mañá de hoxe, a Comisión de Caza da Federación Galega de Caza encabezada polo seu presidente, Javier Nogueira, era recibida polos responsables da Consellería do Medio Rural, a fronte dos que se atopaba o Director Xeral de Conservación, Ricardo García-Borregón. No decurso da xuntanza tratáronse diversos temas entre os que cabe salientar os relacionados coa nova lei de caza de Galicia, e cos danos que está a produci-la fauna cinexética nos cultivos.

A última hora da mañá os representantes federativos eran recibidos polo Subdirector Xeral de Deportes, Carlos Gómez, para trata-lo proxecto deportivo da federación de cara a establece-lo convenio de colaboración para o vindeiro ano entre ámbolos-dous organismos. No decurso da entrevista o presidente federativo explicáballe ao responsable do deporte galego a importancia da Caza non só a nivel deportivo ou social, senón tamén como unha actividade puxante dentro da economía galega, principalmente entre a economía rural, ao tempo que o informaba do calendario deportivo –cando remate o ano levaranse disputado en Galicia 86 campionatos oficiais- e dos 18 títulos nacionais (cinco medallas de ouro ou primeiros postos; tres de prata; tres de bronce; cinco cuartos e dous quintos postos) que levaban acadado, no que vai de ano, os deportistas da selección galega a falta de disputarse nos próximos meses cinco campionatos de España nos que os deportistas cinexéticos galegos contan con moitas posibilidades.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

A FGC INFORMA
05/12/2018
Malestar nos cazadores galegos pola decisión da Subdelegada do Goberno na Coruña

TVG

Os Templos da Caza

ELECCIÓNS FGC
03/12/2018
A Xunta Electoral da FGC informa

XORNADA FORMATIVA
03/12/2018
Calidade nas ponencias da Xornada Formativa celebrada en As Pontes


Federación Galega de Caza  
Estadio Multiusos de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza