A pasada fin de semana, un total de 16 galegos desprazáronse a terras leonesas para participar no Campionato de San Huberto enclavado dentro do programa de actividades da Semana Ibérica de Caza e Pesca celebrada en Valladolid.

Unha vez comezada a proba e tras participar todos os concursantes nos respectivos ternos, os xuíces decidiron que pasarían o barrage final os galegos Carlos Lalín Ferreiroa coa pointer femia “Koka Da chousa” e René Vale García co seu setter inglés macho “Top du Val d`Autan”, entre outros.

Tras a disputa do barrage final, o galego René Vale acadaba a segunda posición e Carlos Lalín era cuarto, poñendo en evidencia a boa actuación dos deportistas galegos nesta competición.