Volver ao inicio
Inicio Calendario Buscar Contacto

Novas
Imprimir
JAVIER NOGUEIRA
"A máxima da seguridade na práctica da caza é o sentido común"
11/10/2011

Nestas datas, nas que a afección cinexética acada o seu máximo apoxeo na nosa comunidade, temos que facer un chamamento á seguridade no desenrolo de tan ancestral actividade. En calquera anaco da xeografía galega xa deron comezo as tan arraigadas batidas a corzos e xabarís, modalidades de caza que na Galicia posúen un verdadeiro compoñente social. Ladras, fuxidas e primeiros lances xa fixeron que cazadores e caza compartiran a súa tradicional paixón nun escenario incomparable como son os nosos montes, cheos de beleza e sentimentos. Os cazadores da caza menor, tanto de pluma como de pelo, deberán agardar ata o vindeiro día de 16 para dar renda solta a tanto alenco cinexético acumulado nos meses de veda.

Como cazador e representante de milleiros de cazadores, véxome na obriga de facer un chamamento para a práctica dunha caza con seguridade. A caza é unha actividade de baixo risco, os datos estatísticos así o o poñen de manifesto, pero os escasos accidentes que se producen soen ser alarmantes e na maioría dos casos titulares en moitos medios de comunicación. Polo tanto, para evitar isto, e coa axuda desas cualidades intrínsecas que posuímos os cazadores, tentaremos erradicar ditas fatalidades.

Boa parte deses accidentes que se producen no desenrolo da caza teñen lugar na modalidade de caza maior. Un maior número de persoas e o emprego de armas e munición de maior calibre, poden ser algúns dos ingredientes que fagan que nesta vertente cinexética se produzan os sinistros mais chamativos. O manexo das armas coa máxima cautela antes, durante e despois de chegar ao posto, o uso de roupa de cores vivos, o coñecemento da situación dos compañeiros dos postos próximos, así como a inmobilidade no mesmo ou o realizar os disparos só cando se identifica por completo a peza e o lugar de impacto do proxectil, son algúns dos “mandamentos do cazador”.

En nome da FGC e no meu propio, quero desexarlle a tódolos cazadores galegos a mellor das tempadas de caza que esta a piques de comezar, sendo sabedores de que o mellor trofeo é o sentido común para unha caza segura.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

COMPARTIR CAZA
27/05/2022
A Federación Galega de Caza en Lugo entregou máis de 250 kg de carne de xabaril á ONG Caritas Diocesanas de Lugo.

ASEMBLEA XERAL FGC
20/05/2022
Unanimidade nos acordos e despedida de Javier Nogueira da Asemblea da FGC

CURSO XUICES RRCC E COMPAK
02/05/2022
Celebrada a primeira convocatoria para novos xuíces das disciplinas de tiro

REPRESENTACIÓN GALEGA EN MADRID
21/04/2022
Os cazadores piden a dimisión de Teresa Ribera


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza