Volver ao inicio
Inicio Calendario Buscar Contacto

Novas
Imprimir
CAZA MAIOR
Organízase a primeira montería feminina de Galicia
19/10/2011

Preto de vinte mulleres monteiras reuníanse o pasado sábado na localidade ourensá de Cea, arredor da nova iniciativa da Asociación de Clubes e Cazadores de Caza Maior de Galicia en colaboración coa Federación Galega de Caza.

A montería organizouse co fin de por en contacto ao colectivo que garante o futuro da caza social en Galicia, as mulleres.

A mañá amañecía fresca, aínda que antes do medio día xa se acadaran os 36ºC, que xa ven sendo costume durante este mes de outubro na provincia de Ourense. Esta fermosa iniciativa, que “ameaza” con asentarse de xeito anual, levouse a cabo en terreos da asociación “Monteros Galaicos”.

Compartiron caza mulleres asturianas e galegas, cunha percha final de tres xabariles e tres corzos. Constitúen estas pezas un magnífico botín se temos en conta os calores excesivos e sequidade do terreo que raiaba o desértico. Aquí destacou a magnífica canceira galega, Ana de Nonito, quen non perdeu ocasión para rematar un bo porco bravo.

Rematou o monteo con xerras de cervexa xeadas e unha suculenta parrillada, trala cal, organizadores e participantes voltaron ás súas casas á espera dunha nova edición desta festa de “fillas de Diana”.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

FESTA DA CAZA DE RODEIRO
18/11/2019
A climatoloxía non puido coa Festa da Caza de Rodeiro

CANS DE CAZA EN LALÍN
17/06/2019
II Exposición de Cans de Caza de Lalín

XORNADA SOLIDARIA
03/06/2019
A caza estará presente no 5º Día do Deporte Solidario de Área Central

EN SILLEDA
29/05/2019
A feira de caza, pesca e natureza Fecap Abanca multiplica actividades na súa sexta edición


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza