Disputábase o pasado 5 de febreiro, en Portomarín (Lugo), a novena edición da Copa Provincial de Caza de Raposo, que acollía a 62 equipos de cazadores que, dada a tradición  e prestixio desta competición, se achegaban de todas partes de Galicia.

A proba tiña lugar nos Tecores das Sociedades de San Nicolás, Rio Miño, Xián, Gonzar, A Perdigueira, Monte Pena Mayor, Riveira do Miño, O Paraño, O Picato, Rio Grande, O Rosario, A Trapa, Riveira do Loyo, O caneiro, Soñar e San Mamed e Castelo.

O equipo que acadaba a victoria era “A Trapa”, que capturaba 4 raposos. Os mesmos capturaba a segunda cuadrilla clasificada da proba “Mesón de Crecente”, mentres que o equipo que remataba no terceiro posto, “Os Humildes de Trazo”, capturaba 3 raposos. Entre todas as cuadrillas participantes cazábanse un total de 51 raposos.