Inicio Calendario Buscar Contacto

Novas
Imprimir
XUNTANZA
O concello pontevedrés de Cotobade contará cun campo de tiro de primeiro nivel
8/1/2013

O pasado 26 de decembro tiña lugar unha xuntanza no concello de Cotobade, en Pontevedra, entre o seu alcalde, Jorge Cubela, e distintos representantes de diversas federacións relacionadas co tiro deportivo. Ademáis da de tiro olímpico, arco, prato e representantes da Guardia Civil, cabe destacar tamén a presenza dos representantes da Federación Galega de Caza a través do seu Presidente, Javier Nogueira, e do Presidente da FGC en Pontevedra, Juan Ángel Alonso. O propio Nogueira lembraba que a FGC é segunda federación de Galicia en canto a número de membros se refire.

O motivo da xuntanza foi a posta en coñecemento dos distintos representantes deportivos dos avances nas xestións e proxectos técnicos para levar adiante, nos terreos da comunidade de montes, o que a todas luces será un campo de tiro modélico e tecnolóxicamente avanzado que pretende dar o servizo e a infraestruturas precisas para os distintos deportes interesados, e máis concretamente para os máis de 53.000 cazadores galegos.

Jorge Cubela, o dinámico e novo alcalde de Cotobade, pon o listón na realización de competicións e adestramentos que poidan poñer a Cotobade en particular e a toda Pontevedra en xeral, no mapa da competición internacional das distintas disciplinas relacionadas co tiro deportivo e a caza. Para acadalo é primordial o apoio da Deputación de Pontevedra quen, en palabras do alcalde, confirma o máximo empeño do seu Presidente, Rafael Louzán, neste proxecto. Igualmente, a Federación Galega de Caza poñerá o seu máximo interese en colaborar con esta interesante iniciativa.
 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

CANS DE CAZA EN LALÍN
17/06/2019
II Exposición de Cans de Caza de Lalín

XORNADA SOLIDARIA
03/06/2019
A caza estará presente no 5º Día do Deporte Solidario de Área Central

EN SILLEDA
29/05/2019
A feira de caza, pesca e natureza Fecap Abanca multiplica actividades na súa sexta edición

CRÍA E COIDADOS DO CAN DE CAZA
16/03/2019
Presentación da biblioteca cinexética de Mutuasport


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza