Inicio Calendario Buscar Contacto

Novas
Imprimir
PREMIOS MUDEGA
A caza, premiada na II Gala do Deporte Feminino Galego
12/3/2013

Milladoiro acolleu a entrega de premios deste ano

Por segundo ano, a Asociación de Mulleres Deportistas Galegas (Mudegá) celebraba o pasado sábado a Gala do Deporte Feminino Galego, co que a asociación trata de dar maior visibilidade e recoñecemento nos medios ao deporte feminino na comunidade galega.

Este ano entre as deportistas e iniciativas premiadas atopábase unha relacionada co mundo cinexético: a II Montería Feminina de Galicia, organizada por “Monteros Galaicos” en colaboración coa Federación Galega de Caza e a Asociación de Clubes e Cazadores de Caza Maior de Galicia recibía o recoñecemento á mellor iniciativa en prol do deporte feminino.

O Presidente de “Monteros Galaicos”, Óscar Garriga, foi o encargado de recoller o premio nesta gala que tivo lugar na localidade coruñesa de Milladoiro, no Concello de Ames, onde estivo presente o tesoureiro da Federación Galega de Caza, Manuel Pérez Requejo, como representante federativo.

Mudegá tivo difícil a entrega de recoñecementos debido ao excelente ano que foi 2012 en canto a deporte feminino, polo que tres medallistas olímpicas (Tamara Echegoyen, Sofía Toro e Begoña Fernández) compartiron o premio á mellor deportista galega do ano.

O resto de recoñecementos repartíronse do seguinte xeito: promesa, María Vilas (natación); adestrador, Rogelio Sabio (rugbi); directivo, Juan Vázquez (fútbol); árbitro, Dolores Rojas (atletismo); clube, Natural Sport (taekwondo); traxectoria, Teresa Portela (piragüismo); medio de comunicación, La Voz de Galicia; institución pública, Concello de Porriño; institución privada, Mecalia.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

CURSOS FORMACIÓN
30/10/2017
Ampla e activa participación no II Curso de Formación de A Coruña

CARNE CAZA
22/5/2017
ASICCAZA achega o sabor e as bondades da carne de caza a máis de 400 nenos de Estremadura

EN PONTE CALDELAS
9/1/2016
A VI Montería "Á Galega" volveu resultar un éxito

GRATUITO
9/11/2016
Proxecto E4SPORT 2.0 de emprendemento en xestión deportiva dirixido a mozos de entre 18 e 30 anos


Federación Galega de Caza  
Estadio Multiusos de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza