María Rodríguez e Abel López subcampións de España de RRCC con Arco
Campionato de España de Percorridos de Caza con Arco
O pasado 21 de setembro disputouse o Campionato de España de Percorridos de Caza con Arco en Soria, concretamente en Castillejo de Robledo.
Cabe mencionar a boa actuación dos arqueiros galegos que obtiveron postos destacados na clasificación final. Foi a arqueira María Rodríguez a que se quedou ás portas de acadar o título nacional obtendo un meritorio segundo posto na categoría de Arco Asistido Damas.
Sucedeulle o mesmo o tamén galego Abel López que se tiña que conformar cun segundo posto na categoría de Arco Tradicional. Na mesma categoría, o cuarto posto era para Óscar Novas.
En Arco Asistido os galegos Pedro Martínez e Jaime Villaverde acadaban o 6º e 8º posto respectivamente.
E para rematar, Iratxe Guillén acedía o 10º posto da clasificación en Asistido Damas.
Dicir que por decisión do Delegado Nacional da disciplina de Arco, Julio Otero, non se celebrou o Campionato de Caza con Arco o Voo.
