Inicio Calendario Buscar Contacto

Novas
Imprimir
RAPOSO PONTEVEDRA
O equipo “Salnés 1” gaña o provincial
13/1/2014

Campionato Provincial de Pontevedra de Caza de Raposo

O pasado sábado 11 de xaneiro disputouse unha edición máis do Campionato Provincial de Caza de Raposo de Pontevedra organizado pola Federación Galega de Caza en Pontevedra e contando coa colaboración das Sociedades de Caza dos Tecores de Gondomarense, Serra do Galiñeiro, Tudense, Salceda de Caselas, Santa María de Xinzo e Santa Bárbara.

Á proba acudiron un total de 25 equipos que, ao longo da mañan, tentaron dar caza o astuto e abundante raposo nestes montes pontevedreses.

Foi o equipo “Salnés 1” o que conseguiu acadar o primeiro posto da clasificación xeral ao abater 2 raposos (1 macho e 1 femia) converténdose deste xeito no novo Campión Provincial da especialidade. Para coñecer o campión provincial fíxose preciso a realización dun sorteo xa que o segundo clasificado, o equipo “Os Colegas”, tamén conseguiu abater 2 raposos (1 macho e 1 femia). Completou o podio en terceira posición o equipo “Barusi” con 1 raposo (1 macho).

A estes 3 primeiros equipos clasificados engádeselles o equipo “Caselas 1”, conformando a representación da provincia de Pontevedra na vindeira edición do campionato autonómico da especialidade.

Na entrega de premios interviñeron o Alcalde de Tui, Moisés Rodríguez, o concelleiro de Deportes do concello de Tui, Ángel Gutiérrez e o presidente provincial da FGC en Pontevedra, Francisco Couselo.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

GALEGO DE FIELD TARGET
16/04/2019
Antonio Paz en Pistón e Luis Gutierre en PCP foron os Campións Galegos en Rábade

CAN DE OURO - RASTRO DE COELLO
15/04/2019
O lote propiedade de Oscar Esparis foi o campión do Can de Ouro en Rastro de Coello

I PROBA SOLIDARIA DE SAN HUBERTO
15/04/2019
Picallo Piñón e Canosa Vigo foron os gañadores da I Proba Solidaria en Riberas do Tambre

PROVINCIAL A CORUÑA SAN HUBERTO
08/04/2019
Roberto Dopico, Juan José Canosa e Nicolasa González campións provinciais en Porto do Son


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza