Volver ao inicio
Inicio Calendario Buscar Contacto

Novas
Imprimir
CAZA E GASTRONOMÍA
Nigrán acollerá a I Feira de Gastronomía de Caza en Praia América
14/2/2014

A mostra congregará a máis de 5.000 persoas nunha superficie superior aos 6.000 metros cadrados.

Nigrán acollerá o I Certame Feira e Gastronomía de Caza, que estará aberto ao público ao longo de todo o fin de semana na chaira de Praia América. A mostra foi presentada hoxe no Salón de Plenos municipal, nun acto que contou coa participación do alcalde de Nigrán, Alberto Valverde, a concelleira de Turismo, Cultura e Deportes, Liliana Silva, o presidente da Federación Galega de Caza, Javier Nogueira, o presidente da Federación de Caza de Pontevedra, Francisco Couselo, e José Juan Martínez Cabaleiro, en representación da organización.

A feira despregarase na chaira de Praia América cunha superficie total de 6.200 metros cadrados, 2.200 cubertos e o resto ao aire libre, e permanecerá aberta todo o fin de semana, en horario de 12.30 a 19.30 o sábado e de 10.00 a 18.00 horas o domingo. Así mesmo, contará cun parking público e gratuíto fronte ao recinto de exposición.

O evento comezará o sábado coa inauguración oficial, na que participarán todas as autoridades anteriormente citadas. Ao medio día, a organización ofrecerá unha comida con capacidade para 3.000 comensais cun menú no que as carnes de xabaril e cervo serán protagonistas, cun prezo de 10 euros por comensal. As persoas interesadas en acudir a esta comida deberán reservar o seu cuberto chamando ao 637 900 101 ou ao 625 968 147.

Os visitantes poderán gozar ao longo de todo o fin de semana de exhibicións de tiro con arco, cetraría, probas de rastrexo con cans da raza Springer Spaniel e demostracións caninas de agility nun circuíto de obstáculos, así como dunha ampla e variada mostra de produtos e accesorios propios desta actividade e inchables para os máis pequenos.

Ademais, os membros do colectivo Vesdespacio Miñor realizarán o domingo unha concentración na contorna da feira, e habilitarase un punto de recollida de tapóns solidarios para a plataforma do Baixo Miño.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

CURSO FORMACIÓN
24/10/2023
Curso sobre a cría da perdíz

FESTA DA CAZA DE RODEIRO
18/11/2019
A climatoloxía non puido coa Festa da Caza de Rodeiro

CANS DE CAZA EN LALÍN
17/06/2019
II Exposición de Cans de Caza de Lalín

XORNADA SOLIDARIA
03/06/2019
A caza estará presente no 5º Día do Deporte Solidario de Área Central


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza