Total transparencia e legalidade nas eleccións da FGC
O Comité Galego de Xustiza Deportiva, máximo órgano da xustiza deportiva Galega, desestima integramente os recursos presentados por Francisco Chan Méndez e Santiago Tosar González, contra o proceso electoral da devandita federación.
A devandita impugnación carecía de toda base xurídica, quedando acreditado que o proceso electoral foi absolutamente transparente, axustándose estritamente ao Regulamento Electoral aprobado pola Secretaría Xeral para o Deporte da Xunta de Galicia.
Máis de 20.500 integrantes do censo de persoas físicas e entidades deportivas estaban convocados a este proceso electoral, resultando elixido Presidente o único candidato presentado, D. Javier Nogueira Diz, que afronta así a súa segunda lexislatura á fronte da Federación Galega de Caza, co apoio practicamente unánime da asemblea.
