Inicio Calendario Buscar Contacto

Novas
Imprimir
CAZA MENOR CON CAN
Julio González Souto con “Farruco”, é o novo Campión Galego
9/11/2015

Tal e como estaba pactado, o pasado 7 de novembro disputouse no pontevedrés Municipio de As Neves, no Tecor da Sociedade “Santa Bárbara”  (Po-10.047), que conta cunha extensión de 34.379 Has., o título galego de “caza menor con can”. Proba de máis renome de cantas organiza a Federación Galega de Caza. Á cita acudiron os representantes das catro provincias galegas previamente clasificados nas fases previas, mailo campión da pasada edición, o tomiñés, Julio Pereira, que non puido revalidalo título nesta ocasión.

A organización correu a cargo da Federación Galega de Caza, colaborando a Provincial de Pontevedra e maila Sociedade anfitrioa de As Neves cedendo o escenario competitivo. A concentración fíxose no Restaurante “Xes” ás 7:30 da mañá, para una vez entregada a documentación aos participantes desprazarse ata o campo de fútbol locatario, onde quedou fixado o punto de control. Pouco despois das 9 da mañá o Director da Proba, Manuel Feijoo, anunciaba o comezo da competición. Exercicio que transcorreu ata ás 2,30 da tarde baixo un calor abafante (22 graos a mediodía) que, sen dúbida, influíu negativamente nos resultados que, por certo, non puideron ser máis cativeiros o so capturarse un raposo e dúas pombas.

¿Causas desta pobreza? Segundo das opinións recollidas, había moito mato, moito toxo, e se ben o monte era coelleiro, os coellos estaban metidos nos buracos ou moi encamados e polo tanto resultaba moi difícil levantalos e máis aínda seguilos cun só can. 

Referente a perdiz, habelas habías, pero nun monte tan agresivo era difícil dar con elas. Ademais, os mellores cazadeiros perdiceiros quedaron sen ser pisados por descoñecemento dos concursantes. 

CLASIFICACIÓN

1º e Campión 2015,  Julio González Souto, de Salceda de Caselas (Pontevedra), cun raposo e 500 puntos. Auxiliouse cun petit basset vendeano de nome “Farruco”. Este cazador representará a Galicia na seguinte fase nacional. Na Semifinal de España.

2º e subcampión, José Manuel Torres Parada, de  Porto do Son (A Coruña), cunha torcaz e 150 puntos.  Acompañouse da cadela “Jara” (setter inglés).

3º, Jorge Vázquez Iglesias, de Castro Caldelas (Ourense), con outra torcaz e tamén 150 puntos. Cazou coa cadela “Musa” (setter inglés)

O resto de participantes non puntuaron.

CLAUSURA

Ao acto de clausura e entrega de premios asistiron diversas autoridades locais e provinciais como, ademais da plana maior da sociedade “Santa Bárbara” co seu presidente, Javier Sobrado Vázquez,  o fronte; o Xefe do Servizo de Conservación da Natureza, Pablo Caballero Javierre e máis o Delegado de Deportes, Daniel Benavides. Tamén o facía representando o alcalde da Vila anfitrioa, Xosé Manuel Rodríguez Méndez, o que por motivos familiares non puido asistir; o Tenente de Alcalde, Manuel Eduardo Mariño, por certo, un amante da caza. Por parte federativa, a máis do Director da Proba,  Manuel Feijoo Castro, a representación oficial ostentouna o Presidente de Pontevedra, Francisco Couselo Castiñeira, escusando a súa presenza por motivos dunha viaxe, ao Presidente Autonómico, Javier Nogueira Diz. Todos eles tomaron parte no xantar de clausura e fixeron uso da palabra na sobremesa, dirixíndose os asistentes e felicitando os gañadores en particular e a todos en xeral, pola gran deportividade amosada no transcurso do acontecemento deportivo. 

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

GALEGO DE FIELD TARGET
16/04/2019
Antonio Paz en Pistón e Luis Gutierre en PCP foron os Campións Galegos en Rábade

CAN DE OURO - RASTRO DE COELLO
15/04/2019
O lote propiedade de Oscar Esparis foi o campión do Can de Ouro en Rastro de Coello

I PROBA SOLIDARIA DE SAN HUBERTO
15/04/2019
Picallo Piñón e Canosa Vigo foron os gañadores da I Proba Solidaria en Riberas do Tambre

PROVINCIAL A CORUÑA SAN HUBERTO
08/04/2019
Roberto Dopico, Juan José Canosa e Nicolasa González campións provinciais en Porto do Son


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza