Volver ao inicio
Inicio Calendario Buscar Contacto

Novas
Imprimir
ARCEAS CORUÑA
A sorte deu como gañador a Francisco Vidal
18/1/2016

Campionato Provincial de A Coruña de Caza de Arceas

O pasado sábado 16 de xaneiro disputábase o Campionato Provincial de A Coruña de Caza de Arceas 2016 que era acollido polos terreos do Tecor da Sociedade de Cazadores de Lousame-Noia e organizado pola Federación Galega de Caza en A Coruña en colaboración con dita sociedade de cazadores.

Ata un total de 27 becadeiros tomaron saída nesta fase provincial na que o tempo acompañou á boa práctica cinexética pero na que faltaron as arceas. Non foi esta unha tempada de altas densidades de arceas e isto fixo que neste campionato houbese 16 avistamentos e ningunha captura.

Rematada a proba tivo lugar o sorteo para discernir a clasificación final. A sorte estivo a carón do cazador Francisco Vidal Añón que se fixo co título provincial. Francisco Javier Alonso Fiaño e Javier López Cendán remataban en segunda e terceira posición respectivamente.

Xunto con estes tres primeiros clasificados, os cazadores Matías Lorenzo Barreiro, Oscar Suárez Ventoso e Víctor Moreira Graíño conforman a selección provincial de A Coruña que representará a dita provincia no Autonómico de Arceas 2016.

Na entrega de premios estiveron presentes a alcaldesa de Lousame, María Teresa Villaverde Pais, o vicepresidente da Sociedade de Caza, José Somoza Martínez e o secretario Ramón Abeijón Villaverde. O ente federativo provincial estivo representado polo vicepresidente Pedro Nieto González e polo responsable de competicións Marcial Ramil Hermida. Un xantar de irmandade puxo o colofón a este campionato provincial.

 
 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

CPTO. ESPAÑA CANS DE MOSTRA
2025-10-14
O setter “Zafir de Piago” do galego René Vale converteuse no Campión de España de Cans de Mostra Británicos e por equipos Galicia acadou o subcampionato nacional

NACIONAL DE SAN HUBERTO
2025-09-29
A galega Nuria Varela campiona feminina da Copa España de San Huberto

AUTONÓMICO DE COELLO
2025-09-28
Os beagles do coruñés José Javier Suárez acadan o autonómico de rastro de coello

PROVINCIAL DE PONTEVEDRA DE COELLO
2025-09-22
O lote propiedade de Arosa Dasilva proclamouse campión provincial na Lama


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza