Inicio Calendario Buscar Contacto

Novas
Imprimir
MEDIDAS MENOS RESTRICTIVAS
O Parlamento Europeo mellora a proposta da Comisión sobre a Directiva de Armas
14/7/2016

A votación da Comisión IMCO atendeu as preocupacións expostas polo sector cinexético e deu un mandato claro para o Parlamento Europeo nas próximas negociacións coa Comisión e o Consello.

Pendentes de coñecer o texto definitivo, o Parlamento Europeo, a través da Comisión IMCO (sobre a protección de Mercado Interior e do Consumidor), apoiou as propostas da Oficina Nacional de la Caza (ONC) e aprobou unha serie de emendas que reparan gran parte das restricións que exhibía o proxecto de modificación da Directiva Europea de Armas Civís presentado pola Comisión Europea.

En concreto, a Comisión IMCO analizou a revisión da Directiva 91/477 CEE sobre o control da adquisición e posesión de armas civís, adoptando un texto máis lóxico que será parte das negociacións deste outono no diálogo a tres bandas. En comparación coa proposta orixinal da Comisión Europea, o Parlamento Europeo mellorou en gran medida o texto mediante a eliminación de restricións inxustificadas para os cazadores españois, tal e como solicitara a ONC directamente e a través de FACE, representante europea do sector.

A ONC opúxose firmemente á proposta da Comisión Europea de ampliar o criterio restritivo desta directiva sen que ningunha avaliación de impacto xustificase varias das súas medidas. Así, finalmente, logrouse a preservación da categoría B7 (armas semiautomáticas), pendentes das negociacións sobre os cargadores, así como un regulamento para a conversión dos fusís que permitirá o seu uso unha vez sexan irremisiblemente convertidos.

Así mesmo, rexeitáronse as propostas restritivas da Comisión Europea destinadas a impoñer probas médicas estándar en toda a UE e a restrición para a posesión de armas de mozos cazadores. Por outra banda, tanto as vendas por Internet, unha das loitas intensas da ONC en defensa do modelo español en Europa, como os requisitos de almacenamento, foron definidos de maneira clara e equilibrada, cunha marxe de manobra suficiente para os Estados Membros.

Aínda que o positivo resultado desta votación será clave en en as futuras negociacións do diálogo tripartito (Consello, PE e Comisión), a ONC seguirá traballando para tentar mellorar aínda máis o texto para garantir un marco xurídico proporcionado.

Lamentablemente, a definición de certos rifles semiautomáticos segue dependendo da posibilidade de cargadores extraíbles. Tanto FACE como a ONC defenderon que ningunha arma semiautomática debe pasar á categoría de armas prohibidas, xa que non representan un risco particular para a seguridade, polo que esta será a principal prioridade nas novas negociacións.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza