Volver ao inicio
Inicio Calendario Buscar Contacto

Novas
Imprimir
RAPOSO CORUÑA
O equipo “Os Unidos” foi o primeiro clasificado
16/1/2017

Organizado pola Federación Galega de Caza en A Coruña o pasado 14 de xaneiro disputábase unha das probas máis destacadas de dita Federación provincial polo número de cazadores que congrega. Nesta ocasión ata 340 cazadores se citaron neste Campionato Provincial de Caza de Raposo que se disputou nos Tecores das sociedades de caza “Lousame-Noia”, “Castelo de Vitres”, “Porto do Son” e “Altamira”.

O frío non amedrentou aos cazadores que gozarnon dunha boa xornada de caza na que avistaron máis de medio cento de raposos e conseguiron abater 28.

Foi o equipo “Os Unidos”, da Sociedade de Caza "San Vicente" de Vimianzo, o que obtivo o título de Campión Provincial cun total de 1.500 puntos. Co mesmo número de puntos remaba en segunda posición a cuadrilla “Os Intocables”, da Sociedade "Halcón" de Mazaricos, actual campión galego da especialidade. O equipo “Barbanza I”, da Sociedade Barbanza, era o terceiro clasificado con 1.000 puntos. 

A estes tres primeiros clasificados acompañaraos o equipo “Os Rapaces”, da Sociedade de Caza de Coristanco e “Os Cazafellos”, da Sociedade de Caza de Porto do Son, conformando a selección que representará A Coruña no vindeiro Campionato Galego de Caza de Raposo.

Un xantar de confraternidade e a entrega de trofeos por parte das autoridades alí presentes puxo o punto e final a esta edición provincial de Caza de Raposo.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

PROBA COPA GALICIA RASTRO XABARIL
10/07/2024
Julio Ferradás con “Copi” gañadores en A Lama

SAN HUBERTO MANUEL REBORDELO
10/07/2024
Edelmiro Leira con “Nilo” gañadores nas Pontes

CAMPIONATO ESPAÑA RASTRO XABARIL
01/07/2024
Antonio Sánchez con “Chico” campións de España de Rastro de Xabaril

CAMPIONATO GALEGO COMPAK SPORTING
30/06/2024
Daniel Cebreiro domina e revalida o título de Campión Galego de Compak Sporting


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza