Inicio Calendario Buscar Contacto

Novas
Imprimir
XUNTANZA
Acordos do Comité Galego de Caza para a tempada 2018/2019
2/3/2018

Na mañá de onte, xoves día 1 de marzo, tivo lugar a xuntanza do Comité Galego de Caza, cuxos acordos servirán de base para confeccionar a “Resolución de Vedas” que regula os períodos hábiles de caza das distintas especies cinexéticas para a vindeira tempada de caza 2018/2019, do que o máis salientable é a ampliación do período de caza do xabaril motivado polos danos que está a producir.

O dito Comité estivo composto polos diferentes representantes dos cazadores galegos, entre os que se atopaban directivos e presidentes provinciais da Federación Galega de Caza, e todos eles encabezados polo presidente da FGC, Javier Nogueira Diz. Tamén estiveron representadas as asociacións de caza, entre as que se atopaba a Asociación Lucense de Caza, e representantes da administración autonómica. O Comité, estivo presidido pola directora xeral de Conservación da Natureza, Ana María Díaz.

No transcurso da reunión, analizáronse as propostas dos catro comités provinciais de caza , de cara a establecer a normativa que regule os períodos hábiles e as especies que serán obxecto de caza na vindeira tempada. A FGC participou activamente na xuntanza, achegando as inquedanzas dos cazadores galegos recadadas nos diferentes comités. 

Como posibles datas e períodos hábiles de caza, destacar o comezo, o 25 de agosto, das batidas ao xabaril e ao corzo, mentres que a tempada de caza xeral terá a súa apertura o 21 de outubro para rematar, como en anos anteriores, o 6 de xaneiro. A data de peche das batidas ao xabaril será o 3 de febreiro do 2019. Raposo, así como a prolongación da caza de arcea, rematarán o 10 de febreiro do 2019.

Queda todo emprazado para que sexa a Consellería do Medio Ambiente a que fixe, coa publicación da Resolución de Vedas, as regras que rexerán a práctica cinexética na nosa comunidade na vindeira tempada.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

NO DOG
30/05/2018
Publicada a Resolución de Vedas 2018/2019

ÁBRESE O PRAZO
24/04/2018
Axudas da Deputación da Coruña para repoboacións cinexéticas e sinalización de Tecores

E IMPRESOS
19/04/2018
Medio Ambiente actualiza o procedemento para a autorización da caza por danos do xabaril

PARA O ANO 2018
17/04/2018
A Xunta convoca as axudas para o desenvolvemento de actividades deportivas


Federación Galega de Caza  
Estadio Multiusos de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza