Inicio Calendario Buscar Contacto

Novas
Imprimir
XABARIL SALVAXE EN NARÓN
O monteiro Anxo Puga con “Cholín” gañadores en Narón
29/04/2019

II Proba de Cans de Rastro Atraelados sobre Xabaril Salvaxe en Narón

O pasado 27 de abril desputouse por segunda vez unha Proba de Cans de Rastro Atraelados sobre Xabaril Salvaxe e baixo a organización da Federación Galega de Caza en A Coruña e coa inestimable colaboración das Sociedades de Caza dos Tecores de “Xubia” e “Fene” de Fene e Narón. Hai que destacar o impecable traballo dos rastreadores que puxeron a disposición dos concursantes un bo número de rastros, feito este esencial para o desenvolvemento de dita proba.

Esta segunda edición recolleu o éxito da primeira edición e contou cunha alta participación, acudiron 40 monteiros que se dividiron en 5 campos, foi valorada moi positivamente habendo moi bos rastros e organización. Unha participación extraordinaria que puxo en apretos aos organizadores xa que as prazas foron cubertas en escasos minutos e, moi ao pesar da organización, moitos monteiros quedaron na reserva sen poder concursar.

Á final pasaron 5 monteiros, e decir, o participante que acadou maior puntuación en cada campo. A final foi moi complexa e na que os cans se tiveron que empregar a fondo, sendo moi boas as prestacións dos 5 finalistas: Anxo Puga, David Iglesias, Luis Mantiñan, Marcos Prieto e Sergio García.

Foi o cazador Anxo Puga Jorge co seu can mestizo de nome “Cholín” o que obtivo o primeiro posto con 269 puntos. Con 234 puntos en segunda posición remataba David Iglesias Varela coa cadela mestiza “Chata”. Luis Mantiñan Pan co seu can de nome “Loco”, campión da edición anterior, obtivo o terceiro posto con 230 puntos.

 

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

PROVINCIAL OURENSE CAZA ARCEAS
17/01/2022
O título de campión provincial foi para José Antonio Vázquez

CAMPIÓNS LIGA AGILITY 2021
17/01/2022
Campións da Liga Autonómica de Agility 2021

PROVINCIAL CORUÑA DE CAZA DE ARCEAS
15/01/2022
Javier López co setter “Foster” foi o campión provincial

CANS DE PARADA SOBRE ARCEA
09/01/2022
“Zara do Coto da Néboa” de Francisco Santiago obtivo en Muras a mellor calificación na Copa Federación de Cans de Parada sobre Arcea


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza