Inicio Calendario Buscar Contacto

Novas
Imprimir
PROVINCIAL OURENSE PERCORRIDOS CAZA
Eduardo Salceda foi o campión provincial e Daniel Cebreiro o campión da proba
03/05/2021

XXIV Campionato provincial de Ourense de Percorridos de Caza – II Copa Deputación de Percorridos de Caza

Novamente o Campo de Tiro A Goberna acolleu a xa XXIV edición do Campionato Provincial de Ourense e II Copa Deputación de Percorridos de Caza, todo un éxito de xornada deportiva así descrita polos preto de 40 tiradores participantes.

Este campionato contou coa organización da Federación Galega de Caza en Ourense e a esencial colaboración da Asociación Deportiva A Goberna Beariz e a Sociedade de Cazadores A Goberna Regueiro.

Un total de 100 pratos divididos en catro campos e que fixeron unha máis que atractiva tirada valorada moi positivamente polos tiradores que acadaron unha elevada porcentaxe de acerto no disparo. 

Unha vez máis, o tirador coruñés Daniel Cebreiro García impoñía o seu dominio e obtiña o primeiro posto da clasificación xeral con 92 pratos escachados. Tamén o tirador chegado de A Coruña, José Manuel Torres Parada facíase co segundo posto da clasificación xeral con 90 pratos. O mesmo número de pratos que Torres Parada pero en terceira posición remataba Eduardo Salceda Balboa que se convertía no Campión Provincial. O subcampión provincial e cuarto na xeral foi F. Javier Villanueva Dejuane e o bronce provincial e quinto clasificado era para Isaac Otero Penedo. Otero Penedo tamén obtiña o primeiro posto na categoría Senior.

En Veteranos o campión da proba era Antonio Castro Ferreiro e o Campión Provincial Eliseo Faraldo Fernández.

A Selección Provincial queda composta polos seguintes tiradores: Eduardo Salceda, F. Javier Villanueva, Isaac Otero, Jorge Vázquez, Jose Antonio Vázquez, Eliseo Faraldo, Francisco González, Jose Luís Álvarez e José Luís Estévez

Este Campionato contou co patrocinio da: Secretaría Xeral para o Deporte e Mutuasport e coa colaboración da Deputación de Ourense e Solognac.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

PROVINCIAL LUGO DE PERCORRIDOS CAZA
16/05/2021
Marcos Vázquez foi o dominador do provincial

PROVINCIAL LUGO COMPAK SPORTING
15/05/2021
Marcos Vázquez foi o campión provincial e Rodolfo Cabezas o campión da proba

PROVINCIAL A CORUÑA DE PAXARILES
12/05/2021
Os mellores paxaros cantores en Río Seco

PROVINCIAL PONTEVEDRA SAN HUBERTO
10/05/2021
Canosa Vigo, Zamora Lorenzo e Pereira Vidal foron os campións en Baiona


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza