O XXIX Campionato de España de Cans de Rastro Atraelados sobre Xabaril celebrarase en Galicia
Novamente Galicia acollerá outra proba Nacional organizada pola Real Federación Española de Caza, coa colaboración da Federación Galega de Caza e o Consello Superior de Deportes.
Dito Campionato de España discorrerá por terras lucenses, concretamente na localidade de Mondoñedo – A Pastoriza o vindeiro sábado 16 de xullo.
Todos os clasificados desta modalidade que participen na proba xa poden inscribirse nas súas federacións autonómicas ata o próximo venres 8 de xullo.
Os monteiros e cans dividiranse en dous campos, o campo 1 para os dorsais impares e o campo 2 para os pares. A final consistirá na participación dos 12 cans e monteiros clasificados na primeira fase. O can e monteiros que maior puntuación acaden na fase final proclamarase Campión Nacional da modalidade.
O campionato contará co patrocinio e a colaboración de Avis, Mutuasport, Cinegética, Deputación de Lugo, Concello de Cospeito, Concello de Castro de Rey, Concello de Mondoñedo, Concello de A Pastoriza, Tecor Terra Cha, Tecor O´Polémico e Maxxidog Premium.
PROGRAMA
VENRES, 15 DE XULLO
20:00h Recepción dos participantes, entrega de dorsais e inauguración da proba no Auditorio Municipal de Mondoñedo (Praza Jaime Cabot, 27740 Mondoñedo, Lugo)
21:30h Cea inaugural no Instituto San Rosendo (Avenida As San Lucas nº 33, 27740 Mondoñedo, Lugo)
SÁBADO, 16 DE XULLO
08:00h Concentración dos participantes (Mondoñedo)
09:30h Inicio da competición - Campo do Oso (LU-125, 27286 Pastoriza, Lugo)
12:00h aprox. Taco campeiro no Local social da Sociedade de Cazadores Terra Chá - Campo do Oso
15:00h aprox. Comida, entrega de premios e acto de clausura no pabillón Municipal de Bretoña
