Volver ao inicio
Inicio Calendario Buscar Contacto

Novas
Imprimir
GALEGO E PROVINCIAIS DE RAPOSO
O equipo “Doble Cero” foi o gañador no Autonómico de Cans de Rastro sobre Raposo
29/01/2024

Campionato Galego e Provinciais de Cans de Rastro sobre Raposo

No concello ourensá da Veiga tivo lugar, o pasado 27 de xaneiro, a edición número XXVII do Campionato Galego de Cans de Rastro sobre Raposo.

Dita xornada cinexética foi organizada pola Federación Galega de Caza e contou co gran traballo e colaboración do concello da Veiga e a Sociedade de Cazadores de dito acoutado.

Ao título Autonómico optaron un total de 14 equipos chegados das catro provinciais e tamén un equipo conformado, na totalidade, por cazadoras que quixeron estar presentes nesta xornada. Tamara Fernández foi a encargada de capitanear este equipo feminino chamado “Amiguiñas do Raposo” as cales desfrutaron dunha maña moi entretida con algún que outro lance e moita amizade.

Esgotado o tempo de participación, os diferentes equipos foron facendo a súa entrada en control para o posterior análise veterinario das pezas capturadas. O Delegado da Especialidade de Raposo da FGC, Ramón Rodríguez Cobas, foi o encargado de dar a coñecer a clasificación final quedando do seguinte xeito: O equipo ourensá “Doble Cero” resultou Campión Galego cun total de 1.000 puntos.

O segundo e terceiro posto foi para terras lucenses da man das cuadrillas “Os Chambóns” e “Aparta que ahí Vamos” que con 500 puntos obtiñan a prata e o bronce, respectivamente. 

A entrega de premios e a clausura do acto por parte das autoridades presentes puxeron o punto e final desta proba que tamén marca, dalgún xeito, o inminente remate da tempada cinexética 2023/2024.

Campionatos Provinciais de Raposo

- Pontevedra

A fase pontevedresa desputouse nas Neves e A Cañiza coa participación dun total de 170 cazadores. O equipo campión foi “Armenteira Bo Rastro” con 1.000 puntos. O subcampionato foi para o equipo “Salnés 2” con 500 puntos. E o bronce foi para a cuadrilla “Poio Cartucho” tamén con 500 puntos.

- A Coruña

O mellor equipo clasificado da especialidade pola provincia da Coruña foi a cuadrilla “Cerceda” con 1.500 puntos. Tamén con 1.500 puntos, pero en segunda posición, rematou a cuadrilla “Os Golpistas”. O terceiro posto do podio era para o equipo “Os Indomables” con 500 puntos. Destacar a alta participación con preto de 30 equipos e tamén os numerosos raposos avistados.

- Lugo

Por terras da Fonsagrada, máis de 120 raposeiros lucenses participaron na fase provincial na que o título foi acadado polo equipo “A Xesteira” con 1.500 puntos. “Aparta que ahí Vamos” e “Os Chambóns” obtiveron a prata e o bronce, respectivamente, con 500 puntos.

- Ourense

Na provincia de Ourense, o equipo que resultou campión da proba foi “Lamela” que entraba en control con 500 puntos. O segundo posto foi para o actual Campión Galego da especialidade, o equipo “Doble Cero”.

Este campionato galego contou co patrocinio da Secretaría Xeral para o Deporte, Mutuasport e Arión.

 

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

PROVINCIAL OURENSE COMPAK SPORTING
17/06/2024
Francisco Javier Villanueva foi o campión provincial e Daniel Cebreiro o campión da proba

CAMPIONATO GALEGO RASTRO XABARIL
15/06/2024
O lucense Martín Martínez con “Roma” proclamouse novo Campión Galego de Rastro sobre Xabaril

COPA ESPAÑA MUTUASPORT XABARIL
12/06/2024
O galego Antonio Sánchez e “Chico” conquistan a IV Copa de España Mutuasport de Cans de Rastro Atrelados

PROVINCIAL PONTEVEDRA COMPAK
10/06/2024
Martín Baqueiro campión provincial de compak


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza